Dziaržabvinavaŭca zapytaŭ 2,5 hoda chimii dla sacyjołaha Taćciany Vadałažskaj
Dziaržabvinavaŭca zapytaŭ 2,5 hoda chimii dla sacyjołaha i kaardynatarki «Latučaha ŭniviersiteta» Taćciany Vadałažskaj, jaje abvinavacili ŭ hrubym parušeńni paradku (č. 1 artykuła 342 KK). Za kratami jana z 23 sakavika.
Taćciana Vadałažskaja — mietadołah i sacyjołah.
Jana paplečnica Uładzimira Mackieviča, jaki taksama znachodzicca za kratami, była ekśpiertam Ahienctva humanitarnych technałohij i kaardynataram prahramy stvareńnia sučasnaha ŭniviersiteta ŭ Biełarusi «Latučy ŭniviersitet».
Upieršyniu Vadałažskaja była zatrymanaja 4 žniŭnia 2021 hoda. Tady jana praviała 10 sutak na Akreścina, paśla čaho jaje adpuścili ŭ statusie padazravanaj pa č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak). Na praciahu ŭsiaho hetaha času Taćcianu niekalki razoŭ vyklikali na dopyty ŭ Śledčy kamitet.
U siaredzinie sakavika Taćciana padała chadajnictva ŭ SK z prośbaj ab dazvole vyjechać u Litvu na lačeńnie. 23 sakavika jana pajšła za adkazam na svajo chadajnictva ŭ SK, ale tam joj była pakazanaja pastanova ab zaklučeńni pad vartu.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary