Vaskrasiencki ŭ military i viadučy Azaronak. Voś jak vyhladaŭ praŭładny pikiet kala ŭkrainskaj ambasady ŭ Minsku
Kala ŭkrainskaj ambasady ŭ Minsku prajšoŭ praŭładny pikiet. Mierapryjemstva było niešmatludnaje, viadoŭcam vystupiŭ Ryhor Azaronak.
Zajaŭlałasia, što heta akcyja ŭ padtrymku ŭkrainskaha naroda, ale potym Azaronak ahučyŭ, što ludzi pryjšli vykazacca «suprać nacycckaj ułady va Ukrainie». Niekatoryja trymali ŭ rukach płakaty ź pierakreślenaj abrevijaturaj NATA i fota dziaciej Danbasa. Taksama byli ściahi libieralna-demakratyčnaj i kamunistyčnaj partyj.
Ź viadomych praŭładnych pierson na pikiecie zaŭvažanyja deputat Aleh Hajdukievič i Juryj Vaskrasienski ŭ vajskovaj kurtcy.
Pad aharodžu ambasady padjechaŭ buldozier z bulbaj u kaŭšy jak adkaz na «30 srebranikaŭ» ad ukrainskaha hałoŭnaha pamiežnika. Ich uručyli dla staršyni Dziaržaŭnaha pamiežnaha kamiteta Biełarusi Anatola Łapo za toje, što ź biełaruskaj terytoryi rasijskija vojski ŭvajšli va Ukrainu.
Učora, nahadajem, 11 supracoŭnikaŭ biełaruskaj ambasady pakinuli Ukrainu.
Usie biełaruskija dypłamaty pakinuli Ukrainu
Biełaruskamu pasłu va Ukrainie pieradali 30 siarebranikaŭ VIDEA
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary