Na paŭtara miesiaca zakryjuć Rumloŭski most u Hrodnie. Choć śpiarša chacieli tolki na paru dzion
Rumloŭski most praź Nioman płanavałasia zakryć na 16 i 17 lutaha, pra što było aficyjna paviedamlena. Ale pačaŭšy ramontnyja raboty, budaŭniki pierakanalisia, što pravić jaho treba bolš surjozna.
Dniami pres-słužba DAI Hrodna raspaŭsiudziła paviedamleńnie, što ŭ adpaviednaści z rašeńniem Hrodzienskaha harvykankama, na dva dni dla ruchu budzie zakryty Rumloŭski most praź Nioman:
«Z 9.00 16 lutaha i da 24.00 17 lutaha tut budzie zabaronieny ruch transpartu i piešachodaŭ. Zajezd i vyjezd z handlovych abjektaŭ i AZS, raźmieščanych na Rumloŭskim praśpiekcie, budzie dazvoleny. Miesca dla razvarotu budzie raźmieščanaje niepasredna pierad mostam».
Dla abjezdu prapanoŭvałasia vykarystoŭvać Uschodni most, abo «stary» most u centralnaj častcy horada.
Ale kali rabočyja stali raźbirać pałatno, to stała zrazumieła, što dvuchdzionnym ramontam tut nie abydziešsia. Dźmitryj Savaševič, hienieralny dyrektar Hrodzienskaj haradskoj ŽKH, paviedamiŭ:
«Byli vyjaŭlenyja niekatoryja defiekty, jakija nieabchodna nam dadatkova abśledavać. Dla hetaha ruch my pakul pierakryli. Paśla dadatkovaha abśledavańnia: uskryćcia darožnaha pałatna, bolš detalovaha abśledavańnia, budzie viadoma, jakija raboty nieabchodna zrabić dla likvidacyi vyjaŭlenych defiektaŭ pry dadatkovym abśledavańni».
A pakul što termin zakryćcia mosta praciahnuli až da 1 krasavika.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary