Urad Kosava pryniaŭ rašeńnie ŭvieści sankcyi suprać 183 fizičnych i 26 jurydyčnych asob, jakija majuć suviazi ź Biełaruśsiu i asabista Alaksandram Łukašenkam. Namieśnica ministra zamiežnych spraŭ Kosava Liza Hašy zajaviła, što ŭsie zachady byli pryniatyja ŭ kaardynacyi ź Jeŭrapiejskim Sajuzam, ZŠA i Kanadaj.
Lubyja aktyvy ŭ Kosavie, jakija naležać fizičnym i jurydyčnym asobam, što patrapili ŭ śpis, majuć być zamarožanyja, i im nie budzie dazvoleny ŭjezd u hetuju krainy. Akramia taho, hramadzianam i arhanizacyjam Kosava zabaroniena vieści biźnies z hetymi asobami.
«Zaŭsiody pamiatajučy pra našu metu sadziejničać i abaraniać mir, demakratyju i pravy čałavieka, my pryniali rašeńnie, jakoje budzie spryjać praciahu ciesnaha supracoŭnictva z ZŠA, ES i našymi mižnarodnymi partniorami», — skazała Hašy.
Kosaŭskija sankcyi majuć chutčej simvaličnaje značeńnie, bo hetaja kraina nie pryznanaja Biełaruśsiu ŭ jakaści niezaležnaj dziaržavy. U Biełarusi jaje terytoryju ličać častkaj Sierbii. Tamu vielmi małavierahodna, što pradstaŭniki biełaruskaha režymu i źviazanyja ź imi kampanii mohuć mieć tam niejkija aktyvy.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary