Bujnaja polskaja naftapierapracoŭčaja kampanija Orlen, jakaja maje svoj NPZ u Litvie, budzie pieravozić naftapradukty ź jaho va Ukrainu praz Polšču, paviedamlaje Reuters. Kampanija musić na heta iści z-za ŭviedzienaj siońnia biełaruskimi ŭładami zabarony tranzitu.
Dla «dyviersifikacyi łahistyčnych mahčymaściaŭ» i «zabieśpiačeńnia stabilnaści pastavak klijentam» Orlen raniej kupiŭ 100% akcyj litoŭskaj kampanii Mockavos Terminalas, što daje kantrol nad adzinym čyhunačnym pierahruzačnym terminałam na polska-litoŭskaj miažy ŭ Mockavie.
«Dziakujučy hetamu rašeńniu <…> siońniašnija zajavy ab mahčymym prypynieńni pieravozki hruzaŭ na litoŭska-biełaruskaj miažy nijak nie ŭpłyvajuć na dziejnaść Orlen Group», — zapeŭniła kampanija.
«Ciapierašniaja situacyja za našaj uschodniaj miažoj pakazvaje, što pry pryniaćci dziełavych rašeńniaŭ treba taksama ŭličvać biaśpieku ŭsiaho rehijona. Pastaŭki paliva na Ukrainu zabiaśpiečanyja», — zapeŭniŭ prezident Orlen Daniel Abajtek.
Letaś Orlen pastaviła va Ukrainu 1 miljon ton naftapraduktaŭ. I rašeńnie ŭładaŭ Biełarusi ab zabaronie tranzitu ź Litvy na płany na 2022 hod nijak nie paŭpłyvaje, zapeŭnivaje kampanija.
Ułady Biełarusi ŭvodziać z 7 lutaha zabaronu na tranzit pa čyhuncy niekatorych tavaraŭ ź Litvy (naftapraduktaŭ, chimičnych i minieralnych uhnajeńniaŭ), pahružanych na litoŭskich stancyjach, jak adkaz na spynieńnie tranzitu biełaruskich kalijnych uhnajeńniaŭ.
Čytajcie taksama:
Litoŭcy ciapier buduć vazić hruzy čyhunkaj praz Polšču ci Łatviju abo praź Biełaruś furami
Bolš jak na 1 młrd dalaraŭ štohod. Biełaruś uvodzić zabaronu na čyhunačny tranzit ź Litvy naftapraduktaŭ i inšych hruzaŭ
Łandśbierhis pra pahrozy Łukašenki Litvie: Treba pryznać, spadaru Alaksandru vynachodlivaści nie zajmać
Łukašenka daručyŭ pryniać miery suprać Litvy ŭ vypadku admovy ad tranzitu hruzaŭ ź Biełarusi
Hałoŭčanka anansavaŭ «žorstkija miery» ŭ dačynieńni da Litvy
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary