Viadomy rasijski aliharch raskazaŭ, jaki mietał u budučyni stanie «novym zołatam»
Miedź budzie adyhryvać važnuju rolu ŭ hłabalnaj enierhietyčnaj sistemie, havorycca ŭ kałoncy zasnavalnika hrupy USM Ališera Usmanava na sajcie Suśvietnaha ekanamičnaha forumu, paviedamlaje RBK.
«Miedź časta nazyvajuć «novym zołatam», «novaj naftaj» ci navat «mietałam budučyni» z-za jaje niezamiennaj roli ŭ nizkavuhlarodnaj ekanomicy i vysokatechnałahičnych halinach», — piša jon.
U artykule Usmanaŭ pryvioŭ danyja Mižnarodnaha enierhietyčnaha ahienctva, zhodna ź jakimi, da 2040 hoda siarod minierałaŭ i mietałaŭ, jakija vykarystoŭvajucca ŭ ekałahična čystych enierhietyčnych technałohijach, budzie daminavać popyt na miedź, nikiel i hrafit. Da taho momantu popyt na miedź vyraście ŭ 2,7 raza ŭ paraŭnańni z 2020 hodam.
«Hety mietał taksama budzie mieć vyrašalnaje značeńnie dla technałohij uznaŭlalnaj enierhietyki», — piša Usmanaŭ.
Razam z tym, adznačaje zasnavalnik USM, u nastupnyja hady popyt na miedź pryviadzie da skačkoŭ cen na mietał i ŭ budučyni moža pieravysić prapanovu. Kab paźbiehnuć deficytu miedzi, treba inviestavać u hieołaharaźviedku i novyja prajekty, a taksama raspracoŭvać technałohii dla pavieličeńnia zdabyčy i pradukcyjnaści, ličyć jon.
U mai 2020 hoda Suśvietny bank pradstaviŭ dakład, zhodna ź jakim, da 2050 zdabyča takich mietiełaŭ, jak miedź, hrafit, lityj i kobalt, moža pavialičycca amal na 500%, kab zadavolić rastučy popyt na čystyja enierhietyčnyja technałohii. Pavodle acenak aŭtaraŭ, dla vykarystańnia vietravoj, soniečnaj i hieatermalnaj enierhii i dla zachoŭvańnia enierhii ŭ metach utrymańnia pracesu paciapleńnia na ŭzroŭni mienš za 2°C, spatrebicca zvyš 3 młrd t minierałaŭ i mietałaŭ.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA19
Kamientary