List u butelcy ad chłopčyka ź Minska prapłyŭ piać tysiač kiłamietraŭ za try hady
Žychary irłandskaha horada Biełfast (Vialikabrytanija) padčas prahułki pa plažy znajšli list u butelcy, jakaja za try hady prapłyła piać tysiač kiłamietraŭ, i vyrašyli adšukać adpraŭnika.
Pra historyju paviedamlaje vydańnie Donegal Daily.
Ryta Simans i Kiran Meran hulali pa plažy i znajšli ŭ piasku plašku, u jakoj znachodziłasia zapiska i dva dalary. Para akuratna adarkavała butelku i daviedałasia, što pasłańnie napisaŭ 11-hadovy Saša.
Aŭtar pasłańnia raspaviadaŭ, jak try hady tamu kinuŭ butelku ŭ akijan u amierykanskim Oŭšen-Sici (Merylend). U zapiscy byŭ ukazany telefonny numar, ale jon byŭ adklučany.
Zatym Ryta i Kiran daviedalisia, što Saša — chłopčyk ź Minska, niekali žyŭ u Meryłendzie. Mahčyma, jon viarnuŭsia dachaty. Zatym Ryta i Kiran źviazalisia z baćkam Sašy, susiedam u Meryłendzie i dźviuma hazietami ŭ Meryłendzie.
Da paniadziełka bałtymorskaja hazieta źviazałasia z hetaj paraj. Vyśvietliłasia, što ŭ reparciora haziety jość siabar, jaki viedaje baćkoŭ Sašy.
Ryta i Kiran kažuć, što jany ŭ zachapleńni ad prahresu i ciapier spadziajucca atrymać videazvanok z samim chłopčykam.
Hałodny barsuk u Ispanii šukaŭ sabie ježu, a adkapaŭ vielizarny skarb
Sabaka try z pałovaj hady čakaŭ haspadara ŭ časovym prytułku i dačakaŭsia
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary