Vyjava «čyrvanaknižnika» źjaviłasia na nabiarežnaj Francyska Skaryny, 30 ź inicyjatyvy Bresckaha abłasnoha adździaleńnia «Achovy ptušak Baćkaŭščyny».
Akurat u hetym horadzie žyvie najbujniejšaja ŭ Biełarusi haradskaja papulacyja sokała-pustalhi. Jon niaredka sielicca na šmatpaviarchovikach i robicca našym susiedam, piša ptushki.org.
Murał stvorany dla taho, kab źviarnuć uvahu na prablemy haradskich pustelhaŭ. Viasnoj u Breście sakalaniaty, jakija jašče nie ŭmiejuć lotać, časta apynajucca na ziamli. Kab dapamahčy im, treba padsadzić ich vyšej ci patelefanavać u Bresckuju haradskuju inśpiekcyju Minpryrody ci ŭ APB.
«Malavać pustalhu ŭ Breście było fajna, nadvorje było prosta šyk, i stolki pazityŭnych vodhukaŭ ja daŭno nie čuŭ, — kaža aŭtar murała Aleś Kontra. — Dziakuj vałancioram i ŭsim arhanizataram z APB za čarhovy jaskravy i dobry prajekt, dziakuj kiroŭcu Vitalu, jaki zaŭždy išoŭ nasustrač, dziakuj budtrestu №8, što dapamahli z padjomnikam».
Cikava, što kali hod tamu ŭletku Aleś zrabiŭ skietč murała i vyjšaŭ na dvor, to pačuŭ pustalhu i ŭbačyŭ, jak sokał lotaje akurat nad jaho padjezdam i adhaniaje varonu.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary