Na BiełAS zapuścili pieršy błok, jon nie pracavaŭ ź siaredziny lipienia
Pieršy enierhabłok BiełAES uklučyli ŭ sietku. Adbyłosia heta ŭ paniadziełak, 4 kastryčnika, u 18.20, paviedamlaje Minenierha. Jon nie pracavaŭ z 12 lipienia.
— Idzie pavyšeńnie elektryčnaj mahutnaści turbahienieratara. Ciapier jana składaje 360 MVt, — paviedamlaje viedamstva.
Tam adznačyli, što ŭklučeńnie enierhabłoka ŭ sietku praviedziena ŭ adpaviednaści z patrabavańniami technałahičnaha rehłamientu biaśpiečnaj ekspłuatacyi biez zaŭvah.
Nahadajem, 12 lipienia błok byŭ ekstranna adklučany ad sietki z-za taho, što spracavała aŭtamatyčnaja abarona hienieratara.
Jak raniej paviedamlali ŭ ministerstvie, u suviazi z prypynieńniem «praviali reviziju abstalavańnia i technałahičnych sistem, arhanizavanych dla vyjaŭleńnia pryčyn spracoŭvańnia aŭtamatyčnaj sistemy abarony hienieratara 12 lipienia»: «vykananyja vyprabavańni vyjavili nieabchodnaść zamieny adnaho z elemientaŭ uzbudžalnika turbahienieratara. Pravodziacca adpaviednyja raboty z pryciahnieńniem śpiecyjalistaŭ rasiejskaha zavoda-vytvorcy».
Taksama byli praviedzieny dadatkovyja vyprabavańni i dyjahnostyka abstalavańnia i sistem turbahienieratara.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary