«Fizičnuju siłu nie ŭžyvali». Biełaruskija pamiežniki patłumačyli, čamu sa ščytami hnali mihrantaŭ
U tielehram-kanale Dziaržpamiežkamiteta źjaviŭsia kamientar nakont vypadku na biełaruska-litoŭskaj miažy. Litoŭskija ŚMI raspaŭsiudzili videa, na jakim biełaruskija pamiežniki honiać mihrantaŭ da miažy. U biełaruskim viedamstvie zajavili, što ŭsio adbyvałasia na minułym tydni.
«Na kadrach vidać, što mihranty znachodzilisia la našaj miažy i nie ruchalisia ŭ Biełaruś navat pry adsutnaści biełaruskich pamiežnikaŭ. Heta dakazvaje toj fakt, što jany nie mieli namieru ruchacca na terytoryju našaj krainy», — paviedamiŭ Dziaržpamiežkamitet.
Dziejańni siłavikoŭ nazyvajuć «apieratyŭnym prykryćciom reziervam Smarhonskaj pamiežnaj hrupy dla «praduchileńnia niezakonnaha pierasiačeńnia miažy ź Litvy».
«Ź videa zrazumieła, što fizičnaja siła da mihrantaŭ biełaruskim bokam nie ŭžyvałasia», — zapeŭnili ŭ biełaruskim pamiežnym viedamstvie i dadali, što zamiežniki znachodziłasia la miažy kala 8 dzion paśla čaho syšli ŭhłyb terytoryi Litvy.
Raniej, u pryvatnaści, były ministr zamiežnych spraŭ Linas Linkiavičus raźmiaściŭ videa, na jakim bačna, jak biełaruskija pamiežniki sa ščytami honiać mihrantaŭ, što znachodziacca pamiž pamiežnymi słupami, u bok miažy Litvy.
-
Novaja zorka prapahandy kaža, što ŭciok z Polščy praz represii. Ale jon akazaŭsia machlarom z pazykami na $370 tysiač
-
«Zakryvać treba k čortu ŭsie resursy». Redaktarka «Minskaj chvali» vučyła rasijan zmahacca z apazicyjnymi ŚMI
-
Pamiatajecie bandu, jakaja ŭ bałakłavach rabavała na trasach fury? Vynik suda šakuje
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary