Zdareńni

Apalnamu akademiku Mročaku padpalili daču, pakinuli zapisku z pahrozami i akryvaŭlenuju lalku

U akademika Alaksandra Mročaka, byłoha dyrektara RNPC «Kardyjałohija», na leciščy zdaryŭsia pažar. Zhareli častka doma, sklep, łaźnia i altanka. Na vulicy padpalščyki pakinuli lalku sa skryvaŭlenymi vačyma, prybituju da kresła skalpielem, i zapisku z pahrozami. TUT.BY pahavaryŭ z prafiesaram pra abstaviny zdareńnia. 

Fota: pieradadziena ŭ redakcyju TUT.BY siamjoj Mročak
Fota: pieradadziena ŭ redakcyju TUT.BY siamjoj Mročak

Dača akademika znachodzicca ŭ vioscy Uzborje kala Raŭbičaŭ.

— Mnie patelefanavaŭ susied, jaki ŭbačyŭ pažar. Ja byŭ u Viciebskaj vobłaści na rybałcy, my adrazu sieli ŭ mašynu — heta była 4-ja hadzina ranicy, — pryjechali, pažarnyja ŭžo pracavali. Niešta ŭdałosia zachavać, niešta niezvarotna stračana. Zhareli altanka, častka doma, sklep, jon byŭ adkryty, my jaho nie začynili na zamok. U padvale była nievialikaja łaźnia — jana całkam vyhareła. Praściej kažučy, try niezaležnyja adzin ad adnaho asiarodki ŭzharańnia. Pažarnyja ličać, što heta padpał. Mała taho, stajała kresła na vulicy, na kreśle — lalka sa skryvaŭlenymi vačyma, prybitaja skalpielem. I pahroźlivaja zapiska, što ja pavinien pakajacca, što «pradavaŭ niejkija stymulatary, byłyja va ŭžyvańni», — heta poŭnaje tryźnieńnie! I napisana ŭ kancy, što heta tolki pačatak.

Fota: pieradadziena ŭ redakcyju TUT.BY siamjoj Mročak

Alaksandr Mročak skazaŭ, što ciapier na dačy pracujuć śledčyja.

— Mnie nichto adkryta nie pahražaŭ. Ja ŭžo niekalki miesiacaŭ nie pracuju, ja zvolnieny. Voś, upieršyniu takaja pahroza ŭ zapiscy. Mnie za ŭsio žyćcio nichto asabliva nie pahražaŭ.

Minski RASK pa fakcie padpału lecišča doktara Mročaka zavioŭ kryminalnuju spravu pa č. 2 artykuła 218 KK RB «Naŭmysnaje źniščeńnie abo paškodžańnie majomaści, ździejśnienaje ahulnaniebiaśpiečnym sposabam».

Alaksandr Mročak — kardyjołah, akademik Nacyjanalnaj akademii navuk Biełarusi, doktar miedycynskich navuk, prafiesar Biełaruskaj miedycynskaj akademii paśladypłomnaj adukacyi. RNPC «Kardyjałohija» kiravaŭ z 2008 pa 2020 hod. Aŭtar bolš čym 500 navukovych prac, uklučajučy 8 manahrafij, 45 patentaŭ i aŭtarskich paśviedčańniaŭ na vynachodstvy. Uznaharodžany miedalom Francyska Skaryny, miždziaržaŭnaj premijaj «Zorki Sadružnaści».

U žniŭni Ministerstva achovy zdaroŭja zvolniła Alaksandra Mročaka z pasady dyrektara RNPC «Kardyjałohija». V. a. ministra achovy zdaroŭja Dźmitryj Pinievič skazaŭ, što «zadačy, jakija ciapier stajać pierad Ministerstvam achovy zdaroŭja, patrabujuć asablivych kiraŭnikoŭ», tamu kadry i mianiajuć. Adnak sami ž supracoŭniki RNPC źviazvali zvalnieńnie z tym, što Mročak nie cisnuŭ na ich i nie zabaraniaŭ u niepracoŭny čas vykazvać svaju pazicyju.

Kamientary

U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks7

U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks

Usie naviny →
Usie naviny

Čamu Karpienka nie moža pasadzić Bondaravu? Razvažaje Volha Łojka15

Jarmošyna: Ja nie mahu padtrymać kult asoby Stalina. Siamja majho baćki była raskułačanaja, pałova zahinuła11

Biełarus kupiŭ dziciačy sadok, u jaki sam chadziŭ 30 hadoŭ tamu

Trahiedyi na piešachodnych pierachodach: čamu kiroŭcy źbivajuć ludziej? Instruktar nazyvaje pamyłki6

Muž Simańjan prapahandyst Tyhran Kieasajan dahetul u komie5

Prodažy šampanskaha ŭ śviecie padajuć. Pryčyna — źmiena zvyčak i palityčnaja niestabilnaść5

Jak vyhladaje raskošny spa-kompleks časoŭ Rymskaj Impieryi? FOTY

«Nam kazali: nie treba palavańnia na viadźmarak. I niekranutym zastaŭsia sapraŭdny monstr»3

Vučonyja: bolš uvahi maci addaje dačce. Baćka taksama1

bolš čytanych navin
bolš łajkanych navin

U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks7

U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks

Hałoŭnaje
Usie naviny →