Paśla pieratrusu ŭ zasnavalnika «Haziety Słonimskaj» pryjšli ź pieratrusam u redakcyju vydańnia
Ranicaj śledčyja ŭ Słonimie pryjšli ź pieratrusam da zasnavalnika niedziaržaŭnaj «Haziety Słonimskaj» Hanny Vaładaščuk. Paśla abiedu pryjšli ź pieratrusam i ŭ redakcyju, paviedamlaje Biełaruskaja asacyjacyja žurnalistaŭ.
Pieratrus pravodziŭsia ŭ adpaviednaści z sankcyjaj prakurora ŭ suviazi z tym, što ŭ miascovych telehram-kanałach źjaŭlalisia paviedamleńni z abrazami na adras rabotnicy ź sistemy adukacyi. Hanna Vaładaščuk prachodzić śviedkaju pa kryminalnaj spravie ab paklopie.
Hanna Vaładaščuk raspaviała, što nie maje dačynieńnia da telehram-kanałaŭ i paklopnickich paviedamleńniaŭ i ŭvohule ŭ Telehramie tolki čytaje paviedamleńni, ale nikoli nie pisała kamientaroŭ.
U jaje taksama spytali pra telehram-kanał «Słonim dla žyćcia»: chto jaho maderuje, chto finansuje.
Paśla pieratrusu ŭ domie milicyjanty zabrali dva kampjutary, sim-karty, fłeški.
Paśla pieratrusu siłaviki pryjechali ŭ redakcyju «Haziety Słonimskaj» U redakcyi taksama zabrali kampjutary ŭ žurnalistaŭ, buchhałteryi, u rekłamnym adździele.
Hanna Vaładaščuk raskazała, što ŭ redakcyi ciažkaje finansavaje stanovišča, jość kredyt na haspadarčuju dziejnaść, na vypłatu zarobkaŭ. Ale ciapier redakcyja nie zmoža vypuskać hazietu, adpaviedna, nie zmoža i vypłacić zarobki supracoŭnikam za zroblenuju pracu.
Pavodle słoŭ redaktara, siońnia vobšuki adbylisia i ŭ niekatorych słonimskich aktyvistaŭ — jana daviedałasia pra heta ŭ adździaleńni milicyi.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary