BT: Uładalniku lehiendarnaj kaviarni «U dzieda» pahražali pahromami. Dzied: Ja takoha nie kazaŭ

U prapahandysckim filmie biełaruskaha telebačańnia «Pratest navyvarat» źjaviŭsia kamientar uładalnika kaviarni «U dzieda» Alaksandr Bažko. Heta miesca niedaloka ad stadyjona «Dynama» viedajuć dziakujučy aŭtarskaj kavie pa-bieduinsku i šmatlikim rarytetnym rečam, jakija ŭpryhožvajuć interjer.

Pavialičyć

U filmie Alaksandr raskazvaje niejkuju historyju, jakuju składana zrazumieć biez kantekstu:

«Nu, što vy pracujecie? Zaŭtra pryjdziem, razhramim kaviarniu», — voś tak voś kazali. Prymušali nie pracavać. Ja kažu: «A ty što-niebudź zrabiŭ u žyćci dobraha? Naohuł, dobra padumaŭ?»

Hetaja replika pavinna była demanstravać cisk na ludziej, jakija padtrymlivajuć uładu. U vypadku z Alaksandram i kaviarniaj — nibyta ich prymušali bastavać.

«Naša Niva» źviazałasia z Alaksandram, kab daviedacca padrabiaznaści historyi. Ci sapraŭdy jamu niechta pahražaŭ, kali jon nie začynicca?

Pryvodzim jaho adkazy całkam:

— Jany ŭsio vydumali, karespandenty. Ja takoha nie kazaŭ.

— Ale vaša replika vykarystoŭvałasia ŭ siužecie.

— Da mianie pryjšli, nazvalisia, što jany z NTV, ale ja takoje nie kazaŭ.

— Davajcie ja vam začytaju cytatu i dašlu spasyłku na siužet, tam ža vaš hołas.

— Dyk što vy chočacie? Ja taki kamientaryj nie davaŭ, ja takoje im nie kazaŭ.

— Dyk vašu kaviarniu niechta pahražaŭ razhramić?

— Nie. Nie viedaju, jak jany zrabili videa. Ja adrazu im skazaŭ: na takija pravakacyjnyja pytańni adkazvać nie budu. Adkul hety materyjał? Jany što, vychodzić, mianie padmanuli? Jany mnie nazvalisia karespandentami NTV. Jak heta akazałasia na biełaruskim telebačańni? Čort viedaje što… I vieryć im, karespandentam?

— To-bok jašče raz: vam pahražali?

— Nie. I dla telebačańnia ja ŭvohule nie kazaŭ ni pra jakija pahrozy mnie. Bolš ja na hetuju temu nie chaču razmaŭlać.

Uładalnik kaviarni «U dzieda» Alaksandr Bažko ŭ minułym — aficer, vyjšaŭ u adstaŭku ŭ 1992 hodzie. Paśla zaniaŭsia restarannaj spravaj. Mieŭ spravu da kiravańnia kłubam «Čorny limon», pracavaŭ u «Sytym tacie», paśla adčyniŭ svaju kaviarniu, jakaja stała kultavym miescam dla biełarusaŭ i turystaŭ. 

• 0
• 0
• 0
• 0
• 0
• 0
• 1
• 0