Z nabližeńniem zapusku BiełAES žycharoŭ Litvy zabiaśpiečać tabletkami jodu
Centr ekstremalnych situacyj, źviazanych sa zdaroŭjem, u čaćvier pieradaŭ samakiravańniam Vilenskaha i Śviancianskaha rajonaŭ tabletki jodzistaha kaliju, pryznačanyja dla abarony nasielnictva na vypadak atamnaj avaryi, piša Delfi.lt.
Samakiravańni abaviazali razdać žycharam tabletki tym sposabam, jaki jany vybieruć — praź miascovyja orhany ŭłady, lačebnyja ŭstanovy, ci inakš, pavinny taksama infarmavać pra heta žycharoŭ. Pierš za ŭsio, tabletki jodzistaha kaliju buduć razdadzienyja žycharam Litvy, jakija znachodziacca ŭ radyusie 30 km ad Biełaruskaj AES u Astraŭcy (BiełAES). Samakiravańniu Vilenskaha rajona pieradadziena 29 tys. tabletak jodzistaha kaliju, Śviancianskaha rajona — bolš za 95 tysiač tabletak.
Ministr achovy zdaroŭja Aŭrelijus Viaryha ličyć pačatak razdačy tabletak da zapusku BiełAES znakam taho, što «ŭsie adkaznyja viedamstvy vykonvajuć svaju pracu». Litva zakupiła ŭ cełym 4 młn tabletak stabilnaha jodu na sumu amal u 1 młn jeŭra. Tabletki jodzistaha kaliju abaraniajuć ad nazapašvańnia radyjeaktyŭnaha jodu, adnak nie ad inšych radyjeaktyŭnych rečyvaŭ, jakija raspaŭsiudžvajucca ŭ navakolnym asiarodździ ŭ vypadku atamnaj avaryi, tamu pavinny vykarystoŭvać tolki pa rekamiendacyi ŭładaŭ.
Kamientary