Ukrainskija ratavalniki raskazali, što nie daje im patušyć pažary ŭ Čarnobylskaj zonie
Pažary ŭ Čarnobylskaj zonie na ŭkrainskaj terytoryi pieraškadžajuć patušyć viecier i zasucha. Pra heta paviedamiŭ namieśnik načalnika Hałoŭnaha ŭpraŭleńnia pa reahavańni na nadzvyčajnyja situacyi dziaržaŭnaj słužby Ukrainy pa nadzvyčajnych situacyjach u Kijevie Ihar Šaryj, piša UNIAN.
«Tam vielmi vialikija płoščy. Čałaviečych i materyjalnych resursaŭ dastatkova, ale vielmi vialikija płoščy, i, na žal, umovy nadvorja nie dazvalajuć pracavać vielmi chutka. Bo viecier raździmaje pa ŭsioj terytoryi», — skazaŭ jon na bryfinhu.
Šaryj dadaŭ, što pieraškadžaje tušeńniu ahniu i zasucha.
«U suviazi z suchoj zimoj my majem zasuchu ŭ puščy, zasuchu ŭ lasach, i tamu pažar raźvivajecca vielmi chutka, vielmi chutka. Zaraz jon łakalizavany, i ciapier na hetych płoščach adbyvajecca tleńnie lasnoha podściłu, travy, tleńnie na miescy byłoha pažaryšča», — reziumavaŭ jon.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary