Pa zakančeńni bijatłonnaha siezona čatyrochrazovaja alimpijskaja čempijonka Darja Domračava razam ź siamjoj viarnułasia ŭ Minsk, piša Sport.tut.by.
— Tak supała, što karanavirusny pieryjad u śviecie pryjšoŭsia na pierapynak u centralizavanaj padrychtoŭcy kitajskaj kamandy, — raskazała alimpijskaja čempijonka. — Tamu my ź siamjoj adpravilisia ŭ Minsk, a našy spartsmieny — u Kitaj, dzie da hetaha času paśla viartańnia ź Jeŭropy znachodziacca na strohim karancinie biez mahčymaści vychadu na vulicu.
Pry hetym treniery Domračava i Bjorndalen štodnia adpraŭlajuć bijatłanistam trenirovačny płan.
Praca ŭ bijatłonnaj pary praciahvajecca, chaj i ŭ mienšych abjomach.
— Astatni čas pryśviačajem chatnim spravam, prahułkam i hulniam z dačkoj. Taksama padtrymlivajem fizičnuju formu z dapamohaj prabiežak na pryrodzie, zaniatkaŭ na viełatrenažory i siłavych praktykavańniaŭ doma. U horad imkniemsia nie vybiracca, — padkreślivaje alimpijskaja čempijonka. — Zredku vyjazdžajem pa pradukty, kali ŭźnikajuć pieraboi ŭ pracy sajta dastaŭki. U takim razie, viadoma ž, apranajem maski.
Kamientary