«Je-dastaŭka» voźmie da siabie aficyjantaŭ i barysta, jakija stracili pracu
Pa roznych acenkach, z-za pandemii zastalisia biez pracy ad 700 da 1000 rabotnikaŭ kafe, baraŭ i restaranaŭ u Biełarusi. Mnohija zvolnienyja aficyjna, inšyja syšli ŭ vymušanyja adpačynki i nie atrymlivajuć dachodaŭ. Macniej za ŭsio situacyja ŭdaryła pa śfiery hramadskaha charčavańnia ŭ bujnych haradach — pierš za ŭsio, u Minsku.
U «Je-dastaŭcy» takich supracoŭnikaŭ hatovyja apieratyŭna pracaŭładkavać pa sproščanaj pracedury. Pracavać zaprašajuć na pastajannaj asnovie — vydatny varyjant stabilnaha pracoŭnaha miesca. Siarod asnoŭnych vakansij: kładaŭščyk-kamplektoŭščyk i ŭkładčyk-upakoŭščyk. Pa sutnaści, treba budzie źbirać i kamplektavać nabory praduktaŭ dla dastaŭki pakupnikam.
Płacić abiacajuć vyšej siaredniaha. Zarpłata kamplektoŭščyka na poŭnaj zaniataści składzie ad 1000 da 1400 rubloŭ na ruki. I jašče bonus u vyhladzie 200 rubloŭ, jakija kampanija abiacaje vypłacić jašče da pieršaj zarpłaty. Układčykam-upakoŭščykam abiacajuć ad 750 rubloŭ.
Usich, chto šukaje pracu, prosiać telefanavać pa teł.: 3854400 (A1, MTS) z paniadziełka pa piatnicu z 8:00 da 17:30.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary