Krynicy: Vyjaviłasia, što ŭ Biełarusi pradavali rasijski cukar pad vyhladam biełaruskaha
Hienprakuror Alaksandr Kaniuk błytana vykazaŭsia pra «cukrovuju spravu», zhadaŭšy niejkich «rasijskich kontrahientaŭ», ale nie pieradaŭšy sensu padazreńniaŭ.
Čytajcie: Hienprakuror prakamientavaŭ «cukrovuju spravu»: źviazana z rasijskimi kontrahientami
Čytajcie: Krynicy: Zatrymanyja dyrektary ŭsich čatyroch cukrovych zavodaŭ Biełarusi
Jak stała viadoma «Našaj Nivie» ad vartych davieru krynic, sens kryminalnaj «cukrovaj spravy» ŭ tym, što apošni čas u Biełarusi pad vyhladam ajčynnaha pradavaŭsia rasijski cukar.
Maŭlaŭ, prablema šmathrannaja: kab padtrymać ahraryjaŭ, Minsielhas ustanaŭlivaje zakupačnuju canu na cukrovy burak viasnoj i patrabuje ad zavodaŭ apłaty pa hetaj canie napierad, choć uradžaj budzie tolki vosieńniu.
Kab apłacić, zavody kredytujucca i pazbaŭlajucca abarotnych srodkaŭ.
U Rasii tym časam ŭžo katory hod fiksujecca pieravytvorčaść cukrovaha buraka. Realnaja cana na syravinu farmirujecca tolki paśla zboru ŭradžaju, i rasijskija vytvorcy płaciać uvosień, što ad pačatku stavić biełaruskija zavody ŭ niaroŭnyja ŭmovy. Košt syraviny ŭ Rasii akazvajecca mienšym, a značycca i cukar tańniejšy, čym u Biełarusi.
U vyniku biełaruski ŭrad, kab padtrymać zavody, ustanaviŭ minimalnuju canu prodažu cukru na ŭnutranym rynku na ŭzroŭni 1,5 rubla.
I tamu sens kryminalnaj spravy ŭ tym, što kiraŭnictva biełaruskich cukrovych zavodaŭ, vidać, z padkazki «rasijskich kontrahientaŭ», pra jakich kazaŭ hienieralny prakuror, nibyta kuplała ŭ Rasii optam tanny cukar, pieraŭpakovaŭła jaho tut i pad vyhladam svajho pradavali daražej — za 1,5 rubla.
Tym časam naš cukar pradavaŭsia ŭ Rasii nižej za sabiekošt praź Biełaruskuju cukrovuju kampaniju, kiraŭnictva jakoj taksama zatrymanaje.
Krynicy tłumačać situacyju isnavańniem biurakratyčnaj pastki, u jakoj z dyrektaratu abo spytali b za kiepskija pakazčyki, abo ciapier spytajuć za machinacyi.
-
Novaja zorka prapahandy kaža, što ŭciok z Polščy praz represii. Ale jon akazaŭsia machlarom z pazykami na $370 tysiač
-
«Zakryvać treba k čortu ŭsie resursy». Redaktarka «Minskaj chvali» vučyła rasijan zmahacca z apazicyjnymi ŚMI
-
Pamiatajecie bandu, jakaja ŭ bałakłavach rabavała na trasach fury? Vynik suda šakuje
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary