Miłan Kundera staŭ hramadzianinam Čechii. 40 hadoŭ tamu jaho pazbavili hramadzianstva Čechasłavakii
Samy viadomy češski piśmieńnik, jaki naradziŭsia ŭ Čechasłavakii, ale voś užo bolš za sorak hadoŭ žyvie ŭ Francyi, pryniaŭ hramadzianstva Čechii.
Kundera byŭ pazbaŭleny hramadzianstva ŭładami sacyjalistyčnaj Čechasłavakii ŭ 1979 hodzie, a ŭ 1981 hodzie atrymaŭ hramadzianstva Francyi. Jon zastaŭsia francuzskim hramadzianinam navat paśla razvału ČSSR i stvareńnia Češskaj respubliki. Z tych časoŭ Kundera nieadnarazova pryjazdžaŭ u Čechiju, adnak zaŭsiody rabiŭ heta inkohnita.
U pasolstvie rastłumačyli. što dakumient ab pryniaćci ŭ hramadzianstva ŭručyŭ Kundery pasoł Čechii ŭ Francyi Piotr Drułak. U intervju haziecie Pravo dypłamat raskazaŭ, što Kundera pahadziŭsia pryniać češski pašpart paśla taho, jak u minułym hodzie jamu prapanavaŭ heta padčas asabistaj sustrečy ŭ Paryžy premjer-ministr Čechii Andrej Babiš. Pasoł taksama vykazaŭ zdahadku, što na pazicyju Kundery paŭpłyvała niadaŭniaje śviatkavańnie ŭ Čechii jaho 90-hadovaha jubileju.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary