Adzin z suzasnavalnikaŭ restarana «Pajedziem pajadzim» Leanid Zajdes, jaki padaŭ u sud na hazietu «Novy čas», u svaim pazovie patrabuje vypłacić jamu maralnuju kampiensacyju ŭ pamiery 8 tysiač rubloŭ. Pra heta TUT.BY raspaviała hałoŭny redaktar haziety Aksana Kołb.
SMS z sudu Savieckaha rajona Aksana Kołb, nahadajem, atrymała 5 śniežnia. U paviedamleńni skazana, što hazietu 17 śniežnia vyklikajuć u «sud u jakaści adkazčyka pa pazovu Zajdesa Ł.Ł. pa abaronie honaru, hodnaści i dziełavoj reputacyi, spahnańni kampiensacyi maralnaj škody».
7 śniežnia redakcyja atrymała pa pošcie pazoŭ. U im skazana, što Leanid Zajdes patrabuje sud spahnać z redakcyi 5 tysiač rubloŭ, a niepasredna ź Dzianisa Ivašyna, aŭtara artykułaŭ, jakija, jak ličyć biznesmien, jaho abrazili, - 3 tysiačy rubloŭ.
U pazovie taksama skazana, što materyjały, apublikavanyja ŭ haziecie, pryčynili pazoŭniku «maralnyja pakuty, jakija vyjavilisia ŭ mocnych dušeŭnych pieražyvańniach z nahody mahčymaści padryvu jaho reputacyi ŭ hramadstvie i dziełavym asiarodździ, dyskredytacyi ŭ vačach isnujučych i patencyjalnych kontrahientaŭ, klijentaŭ, partnioraŭ pa biźniesie».
- U pazovie havorka idzie faktyčna ab dvuch momantach u našych materyjałach: adzin - heta dzie my pišam, što restaran «Pajedziem pajadzim» pabudavany niezakonna, druhi - pra toje, što va Ukrainie na Zajdesa była zaviedziena kryminalnaja sprava. I z tym, i z druhim jon nie zhodny i patrabuje napisać abviaržeńnie, - raspaviała Aksana Kołb.
«Kali ty nie ŭ hetym śpisie, to budzieš u druhim». Jak u Biełarusi źbirajuć podpisy za Łukašenku1
Kamientary