Akcior Alek Bołduin zatrymany paśla bojki, jakaja adbyłasia ŭ ńju-jorkskim rajonie Mancheten u ZŠA. Pra heta ŭ piatnicu paviedamlaje telekampanija NBC sa spasyłkaj na aficyjnaha pradstaŭnika Departamienta palicyi Ńju-Jorka.

Pavodle jaje źviestak, incydent adbyŭsia na parkoŭcy. Infarmacyi ab druhim udzielniku incydentu i pryčynach zdareńnia pakul niama.

Situacyju prakamientavaŭ prezident ZŠA Donald Tramp. Adkazvajučy na pytańnie žurnalistaŭ ab zatrymańni Bołduina, kiraŭnik Biełaha doma pažadaŭ akcioru ŭdačy.

Bołduin syhraŭ bolš za 80 rolaŭ u kino, aktyŭna zdymajecca na telebačańni. Najbolš viadomyja ź jaho prac - kamiedyja «Zvyčka žanicca» (1991), fantastyčny bajavik «Cień» (1994 h.) i vajennaja drama «Piorł-Charbar» (2001). U apošnija hady Bołduin zdabyŭ novuju papularnaść dziakujučy paradyjavańniu prezidenta ZŠA Donalda Trampa ŭ telešou «Subotnim viečaram u pramym efiry» (Saturday Night Live, SNL) na telekanale NBC. Akcior źjaŭlajecca uładalnikam premij «Załaty hłobus» i Emmy.

Клас
0
Панылы сорам
0
Ха-ха
0
Ого
0
Сумна
0
Абуральна
0