U šavinistyčnym čadzie: pieraabrańnie Pucina było zabiaśpiečana antyzachodniaj i antyŭkrainskaj isteryjaj
«70+70» — minimum 70% jaŭki i minimum 70% hałasoŭ za Pucina. Takija mety stavilisia rasijskaj administracyjaj na 18 sakavika. Pra hetuju zadaču paviedamlali rasijskija apazicyjnyja błohiery. Vynik całkam supaŭ z płanam. Ekzit-poły namalavali Pucinu 73,9% hałasoŭ.
Nijakaj realnaj kankurencyi na vybarach nie było. Alaksieja Navalnaha, adzinaha zaŭvažnaha krytyka Pucina, jaki zastaŭsia ŭ žyvych, da vybaraŭ nie dapuścili.
Sparynh-partniorami Pucina vystupali kandydaty ad psieŭdaapazicyjnych partyj, a taksama śvieckaja lvica Ksienija Sabčak, jakaja ŭ dzień hałasavańnia paśpiašałasia zajavić, što na dadzienych vybarach było mienš parušeńniaŭ, čym na papiarednich. Ale takoje pieratvareńnie vybaraŭ u fars amal nie vyklikała ŭ Rasii pratestaŭ.
«Kali nie Pucin, to Zachad źniščyć Rasiju» — hetaje pasłańnie abyhryvałasia z dapamohaj usich mahčymych srodkaŭ, ad ŚMI da kino. Pomsta Skrypalu i razhrom Uschodniaj Huty, raspracoŭka śmiertanosnaj zbroi — usio išło ŭ chod.
Kałasalny prapahandyscki aparat u Rasii nahniataje šavinistyčnyja, impierskija nastroi. Na heta pracujuć nie tolki tysiačy ŚMI roznaj stupieni składanaści, ale i šmatlikija internet-troli, jakija retranślujuć zadadzienyja ŭstanoŭki ad Jutuba da forumaŭ ŚMI va ŭsim śviecie. Baluča nazirać, što rasijskaje hramadstva ŭ XXI stahodździ akazałasia nastolki ž paddatnaje dla hiobielsaŭskaj prapahandy, jak niamieckaje — u pačatku XX-ha.
Dla Biełarusi heta aznačaje, što Rasija moža nie spynicca na Krymie i Danbasie, jak u svoj čas hitleraŭskaja Hiermanija nie spyniłasia na «ŭźjadnańni» Aŭstryi i Sudetaŭ. Hetyja «niavybary», jak nazvaŭ ich Navalny, pakazali, što «inšaja Rasija», Rasija, jakaja choča demakratyi i miru, demaralizavanaja, prybitaja i amal niezaŭvažnaja, a rasijskaje hramadstva hatovaje ŭchvalić lubyja zachopnickija płany.
-
Navošta Łukašenku «prezidencki bal» — takaja demanstratyŭnaja i krychu archaičnaja, seksisckaja pa formie tradycyja?
-
Radzina rezka adkazała Chalezinu: Nieŭźlin — moj siabar, jaki šmat zrabiŭ dla raźvićcia demakratyi ŭ mnohich krainach
-
Šrajbman adkazvaje, ci mohuć pieramovy pa Ukrainie prajści ŭ Biełarusi
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana12
Kamientary