Paŭnočnaatłantyčny aljans pryznaje imknieńnie Ukrainy da nabyćcia paŭnavartasnaha siabroŭstva ŭ hetaj arhanizacyi. Pra heta paviedamlaje aficyjny sajt aljansu ŭ raździele, pryśviečanym pašyreńniu NATO:
— Na dadzieny momant čatyry krainy-partniory zadekłaravali svajo imknieńnie (aspirations) da siabroŭstva ŭ NATO: Bośnija i Hiercahavina, Hruzija, byłaja juhasłaŭskaja respublika Makiedonija, a taksama Ukraina.
Taksama na hetaj staroncy źmiaščajecca tłumačeńnie ab statusie «krainy-aśpiranta» (Aspirant country), pad jaki z hetaha času padpadaje Ukraina. «Krainy, jakija zadekłaravali cikavaść u dałučeńni da Aljansu, spačatku atrymlivajuć zaprašeńnie dałučycca da intensifikavanaha dyjałohu z NATO pa ich imknieńni da siabroŭstva i źviazanych z hetym reformam», — havorycca ŭ tłumačeńni.
Da hetaha času ŭ Aljansie admaŭlalisia aficyjna pryznać imknieńnie Ukrainy da nabyćcia siabroŭstva ŭ NATO. Da ŭčorašniaha dnia na sajcie NATO śćviardžałasia, što Ukraina «nie maje farmalnych pamknieńniaŭ da siabroŭstva».
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary