Filip Čmyr piśmova paprasiŭ arhanizataraŭ fotavystavy «z pavahaj stavicca da ruskamoŭnaha nasielnictva»
4 maja ŭ CECHu zapracavała vystava World Press Photo 2017, kudy zavitaŭ muzyka z Drum Ecstasy Filip Čmyr.
Pabačyŭšy, što podpisy pad rabotami zroblenyja pa-biełarusku i pa-anhlijsku, jon paprasiŭ knihu zaŭvah i prapanovaŭ.
«Chaču paprasić z pavahaj stavicca da ruskamoŭnaha nasielnictva Respubliki Biełaruś i nie zabyvać publikavać infarmacyju na dźviuch dziaržaŭnych movach. Dziakuj», — napisaŭ muzyka.
Hety zapis — pieršy ŭ knizie. Cikavy precedent dyrektarka prastory CECH Julija Daraškievič apublikavała na svajoj staroncy ŭ fejsbuku. Heta nie spadabałasia aŭtaru prośby, na dumku jakoha napisanaje ŭ knizie zaŭvah i prapanovaŭ nie moža vystaŭlacca publična. Filip Čmyr nastojliva paraiŭ Julii vydalić post, pryhraziŭšy napisać jašče adnu skarhu ŭ orhany dziaržkantrolu.
Svoj dopis dyrektarka prastory CECH sa staronki nie prybrała, rastłumačyŭšy, što zabarony na publikacyju vytrymak z knihi skarhaŭ u zakanadaŭstvie nie bačyła. Tym bolš, što asabistyja dadzienyja spadara Čmyra na zdymku dopisu schavanyja.
«CECH źjaŭlajecca publičnaj prastoraj, prasoŭvańnie biełaruskaj kultury i movy źjaŭlajecca adnoj z našych pryjarytetnych zadač», — patłumačyła Julija muzyku pryčynu, pa jakoj jaho dopis źjaviŭsia ŭ internecie.
Kolki nasamreč ciahnucca pracoŭnyja pajezdki Łukašenki? Cikavyja ličby7
Kamientary