Armija ZŠA nabiraje ruskamoŭnaje «mirnaje nasielnictva» dla vučeńniaŭ u Hiermanii
Kampanija Optronic GmbH & Co. KG zvyčajna nabiraje časovy piersanał dla trenirovak amierykanskich vojsk na niamieckich palihonach. Raniej heta byli asoby, jakija vałodajuć arabskaj, puštunskaj ci piersidskaj movaj.
Jany zvyčajna robiacca akciorami-masoŭkaj, jakaja dziejničaje tak, jak by dziejničała mirnaje nasielnictva Bližniaha Uschodu padčas apieracyj amierykanskaj armii na ich terytoryi, śviedčyć sajt kampanii.
«Heta dazvalaje nam zabiaśpiečyć vielmi realistyčnyja scenaryi i idealna padrychtavać amierykanskich žaŭnieraŭ dla dziejańnia ŭ kanfliktnych rehijonach», — paviedamlaje firma.
Adnak u kancy sakavika kampanija raźmieściła infarmacyju pra pošuk ruskamoŭnych, polskamoŭnych i češskamoŭnych asob dla takich ža metaŭ.
Budučamu «mirnamu nasielnictvu» treba budzie 2-4 tydni žyć u žaŭnierskich kazarmach na palihonie Choenfielc u Bavaryi, ustavać u 5 ranicy, śniedać u 6 ranicy, u 7 hadzin pačynać pracavać. Udzielnikam zabiaśpiečvajecca trochrazovaje charčavańnie, zabaroniena pić i ŭžyvać narkotyki.
Na palihonie stvarajucca da 10 «viosak», u kožnaj ź jakoj ad 10 da 30 damoŭ, u jakich akciory buduć hrać sialan, handlaroŭ, meraŭ i h.d. «Mirny žychar» atrymaje ad 88 da 120 jeŭra za dzień pracy.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary