Kandydat u prezidenty ZŠA ad Respublikanskaj partyi Donald Tramp zajaviŭ, što i jon, i jaho supiernica na vybarach Chiłary Klintan pierad nastupnymi teledebatami pavinny prajści test na najaŭnaść narkotykaŭ u kryvi.
Padčas vystupu pierad vybarščykami ŭ Ńju-Hempšyry, Tramp vykazaŭ zdahadku, što Klintan pierad papiarednimi debatami prymała niejkija preparaty, tamu što spačatku, pavodle jaho słoŭ, jana była ŭsia na ŭzvodzie, a ŭ kancy ledź mahła dajści da mašyny.
«Ja nie vielmi razumieju, što ź joj robicca. U pačatku minułych debataŭ jaje byccam napampavali, a voś u kancy jana vyhladała tak, byccam prasiła źvieści jaje sa sceny. Jana ledź zmahła samastojna dajści da mašyny, — zajaviŭ Tramp. — My jak spartsmieny. Ich ža prymušajuć prachodzić testy na narkotyki. Ja dumaju, što my taksama pavinny pravierycca na narkotyki pierad debatami», — zajaviŭ Tramp.
Zaklučnyja teledebaty kandydataŭ u prezidenty ZŠA zapłanavany na 19 kastryčnika, jany projduć u Łas-Viehasie.
11 vieraśnia Chiłary Klintan stała kiepska na cyrymonii pamiaci achviar teraktaŭ u Ńju-Jorku ŭ 2001 hodzie, i jana pajšła, nie čakajučy zaviaršeńnia mierapryjemstva. Pierad mašynaj u Klintan padkasilisia nohi i jana ledź nie ŭpała. Pamočniki i achova dapamahli joj sieści ŭ aŭtamabil.
Aficyjny pradstaŭnik vybarčaha štaba Klintan zajaviŭ tady, što kandydat u prezidenty pierahrełasia i pajechała ŭ kvateru dački. Asabisty doktar Klintan Liza Bardek paźniej paviedamiła, što ŭ eks-dziaržsakratara była dyjahnastavana pnieŭmanija. Pavodle jaje słoŭ, Klintan vypisali antybijotyki, rekamiendavali adpačyvać i skarektavać hrafik. U suviazi z hetym Klintan admianiła šerah zapłanavanych mierapryjemstvaŭ.
Što zapisana aficyjnaj pryčynaj śmierci adzinaha syna Jarmošynaj?4
Kamientary