Jak troje siabroŭ z BDU stali pieršymi biełaruskimi miljarderami

Amierykanskaje ahienctva Bloomberg abnaviła ŭłasny indeks suśvietnych bahaciejaŭ. Pavodle infarmacyi finansistaŭ, u Biełarusi źjaviŭsia pieršy miljarder — stvaralnik kampjutarnaj hulni «Śviet tankaŭ» Viktar Kisły. 39-hadovy biznesoviec admoviŭsia kamientavać padliki ahienctva, zapeŭniŭšy, što nikoli nie sprabavaŭ ličyć ułasnyja hrošy, a ład žyćcia viadzie «vielmi ścipły». «Naša Niva» pisała pra jahony žyćciovy šlach u papiarednim numary.

Pavialičyć

Pa acency Bloomberg, ahulny košt kampanii «Varhiejminh», jakaja zasnavała «Śviet tankaŭ», składaje kala $1,5 miljarda.

Karparacyja, stvoranaja biełarusami, uklučaje ŭ siabie 15 centraŭ, raskidanych pa ŭsim śviecie — ad amierykanskaha Ościna da aŭstralijskaha Sidnieja. Mnohija ź ich zarehistravanyja jak roznyja jurydyčnyja asoby. Adnak centralny ofis kampanii znachodzicca na Kipry.

Nahruvaščanaja struktura ŭskładniaje pošuki ŭłaśnikaŭ. Pavodle acenki ekśpiertaŭ, doli akcyj u «Varhiejminhu» raźmierkavanyja nastupnym čynam: Viktaru Kisłamu naležać 38,5%, jahonamu baćku Uładzimiru — jašče 25,5%. Amal usiu reštu dzielać napałam Mikałaj Kacałapaŭ i Ivan Michnievič (pa 17%). Razam z Kisłym jany vučylisia ŭ BDU.

Mikałaj Kacałapaŭ

Pavialičyć

U «Varhiejminhu» Mikałaj zajmaje pasadu dyrektara pa raźvićci biznesu. U zachodnich ŚMI 36-hadovy biełarus čaściakom padpisany pad imieniem «Nik». Skončyŭ fizičny fakultet BDU.

Pieršyja hady jaho karjery prajšli ŭ kampanii InterVelopers. Prahramisty zajmalisia internet-rekłamaj i dyzajnam. Nieŭzabavie kampanija pieraaryjentavałasia na raspracoŭku hulniaŭ i pačała supracoŭničać z «Varhiejminham».

Z 2002 hoda Kacałapaŭ staŭ adkazvać za raźvićcio biznesu ŭ «Varhiejminhu». Hetym jon zajmajecca dahetul. Ekspansija kampanii ŭ inšyja krainy — sprava jahonaha rozumu. Kacałapaŭ — niepubličny biznesoviec. U biełaruskim internecie jon uzhadvaŭsia tolki adnojčy, paśla darahoj uhody ($675 tysiač) pa kupli kvatery na staličnaj vulicy Čechava.

Ivan Michnievič

Pavialičyć

Ivan naradziŭsia ŭ 1979 hodzie. Jon atrymaŭ mahistarskuju stupień na fakultecie prykładnoj matematyki i infarmatyki BDU, a paśla jašče vyvučyŭsia na ekanamista.

U 2000 hodzie jon udzielničaŭ ad Biełarusi ŭ Mižnarodnaj studenckaj alimpijadzie pa prahramavańni.

U «Varhiejminhu» Ivan byŭ faktyčna ad stvareńnia kampanii, jašče ŭ čas navučańnia va ŭniviersitecie. Michnievič adznačaje, što spačatku byŭ techničnym dyrektaram karparacyi, a paśla staŭ adkaznym za finansy.

«Realna ŭžo ŭsio heta nadakučyła, i čas pačynać novuju karjeru, na novym miescy, u novaj halinie. Chutčej za ŭsio, nie ŭ infarmacyjnych technałohijach», — raskazvaŭ Michnievič pra svaje płany niekalki hadoŭ tamu.

Pavialičyć

Jašče ŭ 2011 hodzie jon pasprabavaŭ siabie ŭ naftavym biznesie. Była stvorana kampanija Synergy Horizon, jakaja zajmałasia vyrabam sarbientaŭ dla likvidacyi praciokaŭ naftapraduktaŭ.

«Klučavymi rynkami zbytu źjaŭlajucca bližejšyja naftazdabyvajučyja rehijony — Rasija i krainy Blizkaha Uschodu», — adznačajecca na sajcie kampanii.

Biznes zarehistravany na Kipry, ale vytvorčaść arhanizavanaja ŭ Rečyckim rajonie. Na staronkach Michnieviča ŭ sacyjalnych sietkach paznačana, što jon pracavaŭ u «Varhiejminhu» da vieraśnia 2014 hoda. Paśla biełarus staŭ partnioram u prahramisckaj kampanii Alpein Software, zarehistravanaj u Hiermanii i Šviejcaryi. Aproč taho, na praciahu apošnich hadoŭ pracuje inviestycyjny fond Michnieviča — SCSS Fund Management.

• 0
• 0
• 0
• 0
• 0
• 0