Za svoj pierformans pratestu Vinahradaŭ atrymaŭ štraf, a nie aryšt, jak raniej
Aktyvista «Zmieny» Paŭła Vinahradava pakarali štrafam za akcyju suproć novych padatkaŭ.
31 studzienia Pavał razam z asobami z zakrytymi tvarami prynios na hanak padatkovaj inspekcyi Miensku na vulicy Maskoŭskaj trunu, na viečku jakoj było napisana: «U trunie my bačyli vašy padatki». Taksama Vinahradaŭ pakłaŭ da truny plakat z nadpisam «Chopić rabavać svoj narod». Pra akcyju stała viadoma praź internet, milicyja ŭdzielnikaŭ nie zatrymlivała.
Sudziła Paŭła Vinahradava sudździa Taciana Matyl, jakoj aktyvist adrazu zajaviŭ pra niedavier, matyvujučy heta tym, što sudździa nieadnarazova vynosiła niespraviadlivyja, na jaho dumku, prysudy aktyvistam apazycyi. Advod na svoj adras Taciana Matyl adchiliła i začytała pratakoł, jaki skłali na Paŭła Vinahradava milicyjanty z Maskoŭskaha RUUS. «Vy suproć padatkaŭ? Jakich?» — zapytała sudździa ŭ aktyvista «Zmieny».
«Viadoma, ja nie suproć padatkaŭ u pryncypie. Ale apošnim časam źjaviłasia šmat padatkaŭ, jakija prosta rabujuć ludziej. A tut jašče abviaščajuć pra novyja pabory. Voś namierany padvysić padatak za ŭtylizacyju z aŭtamabilistaŭ. Mahu nazvać i inšyja», — adkazaŭ Pavał Vinahradaŭ. Taksama aktyvist byŭ niazhodny ź inkryminavanym jamu artykułam ab praviadzieńni niesankcyjanavanaha pikietu.
«Jaki heta pikiet? Pikiet — heta niešta stacyjanarnaje. A my prynieśli trunu z nadpisam, ja taksama prynios plakat, i pakłali na hanku padatkovaj. Pastavili ŭsio i syšli. Heta byŭ taki performans, instalacyja», — davodziŭ aktyvist.
Pavał Vinahradaŭ byŭ by zhodny, kab jaho sudzili pavodle inšaha artykuła — za parušeńnie dobraŭparadkavańnia.
U vyniku sud pryznaŭ Paŭła Vinahradava vinavatym u praviadzieńni niesankcyjanavanaha pikietu i prysudziŭ štraf pamieram 30 bazavych vieličyń. Pakunak z rečami, jaki Pavał Vinahradaŭ zachapiŭ z saboj u sud na vypadak administracyjnaha aryštu, jamu nie spatrebiŭsia.
Napiaredadni sudu Pavał kazaŭ, što zaadno pastaviŭ svajoj akcyjaj eksperyment: buduć ułady karać za vuličnuju akcyju aryštam ci abmiažujucca štrafam? Što pakazaŭ, na dumku Vinahradava, jahony eksperyment?
«Što pratestavać možna. I možna nie bajacca aryštu za svoj pratest. Pakolki ŭłady Biełarusi spadziajucca na novy kredyt MVF, pakolki napieradzie vyrašeńnie losu sankcyjaŭ suproć režymu, jon robić vyhlad, što ŭsio dobra, trymaje ŭśmiešku na tvary», — adkazaŭ Pavał Vinahradaŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary