U punkcie propusku «Charobičy» zatrymany małady čałaviek, jaki maje dačynieńnie da dziejnaści niezakonnych uzbrojenych farmiravańniaŭ, paviedamlaje sajt Dziaržaŭnaj pamiežnaj słužby Ukrainy.
Chłopca zatrymali 11 śniežnia pamiežniki Čarnihaŭskaha atrada, kali toj sprabavaŭ vyjechać z Ukrainy praz čyhunačny punkt propusku «Charobičy».
Padčas afarmleńnia ciahnika, jaki išoŭ z Zaparožža ŭ Minsk, pahraničny narad źviarnuŭ uvahu na 23-hadovaha žychara adnaho z haradoŭ Łuhanskaj vobłaści, jaki znachodzicca na niepadkantrolnaj Ukrainskija ŭłady terytoryi.
U chodzie dadatkovaha kantrolu ŭ jaho znajšli kamuflaž. Akramia taho, pry praviercy jaho mabilnaha telefona byli vyjaŭlenyja fatahrafii z hetym hramadzianinam u vajennaj formie z šaŭronam MUS «ŁNR» i zbrojaj u rukach:
Zatrymanamu daviadziecca davać tłumačeńni pravaachoŭnikam, jakija buduć pravodzić pravierku jaho datyčnaści da złačynstvaŭ na terytoryi Ukrainy, havorycca ŭ paviedamleńni.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary