Usiaho patrochu1010

Niezajezdžanyja miescy adpačynku ŭ Francyi, dzie možna spaznać sapraŭdnuju cuisine francaise — raskazvaje francuz

Nabližajecca leta, čas adpačynkaŭ. Biełarusy raźjeducca chto kudy: chtości ŭ rodavuju viosku, chtości na lecišča, a chtości i ŭ Jeŭropu: Italija, Ispanija, Francyja… Ramantyka. Voś pra Francyju my i vyrašyli daviedacca padrabiaźniej, usio ž taki sapraŭdnaja ramantyka mienavita tam. U hetym nam dapamoh žurnalist Łaran Vinaćje, jaki raspavioŭ, dzie i jak va Francyi adpačyvajuć sami francuzy.

Łaran Vinaćje ŭ Redakcyi «Našaj Nivy».

«Łazurny Bierah, Kanny, Nicca — viadomyja nazvy. Ale bolšaść francuzaŭ addaje pieravahu inšamu ŭźbiarežžu — Atłantyčnamu. Narmandyja, Bretań, Łandy. Pryčyny roznyja: pa-pieršaje, tam usio ž spakojniej, nie tak šmat turystaŭ. Mnoha anhličan, praŭda, ale tak daŭno paviałosia. Pa-druhoje, nie takija vysokija ceny. Heta taksama hraje važnuju rolu.

Hatel u Bretani.

Kanny i Nicca ŭvohule — samyja darahija miescy dla adpačynku. Na adnym uzroŭni ź imi staić i Sen-Trape.

Buchta la Sen-Trape — adnaho z samych luksovych kurortaŭ płaniety.

Uvohule, ŭvieś rajon Var, adzin z departamientaŭ rehijona Pravans — Alpy — Łazurny bierah, kaštuje vielmi doraha navat dla samich francuzaŭ, asabliva žyllo. Asnoŭnyja klijenty takich miescaŭ — turysty.

Vid na francuzski Łazurny bierah. 

Na moj pohlad, bolšaść turystaŭ pryjazdžaje ŭ Francyju z Hiermanii. Ich šmat. Taksama mnoha hałandcaŭ. Nie brakuje i ruskich, ale z kolkaściu haściej ź Niamieččyny ich nie paraŭnać. Usio ž, bolšaść ruskich jedzie ŭ Jehipiet ci Turcyju. Skazać, što va Francyi isnuje masavy ruski turyzm, nielha. Ale tyja, chto pryjazdžaje, u asnoŭnym zamožnyja ludzi, i jeduć jany adpaviedna ŭ tyja samyja darahija turystyčnyja miescy. Darečy, raniej ruskija turysty nie ŭmieli siabie pavodzić, i staŭleńnie da ich było niehatyŭnaje. Tyja samyja «novyja ruskija» z 90-ch pavodzili siabie nie vielmi adekvatna. Ale ciapier nie zaŭsiody i adroźniš turysta z Rasii ad zvyčajnaha jeŭrapiejca. Moža, ciapier jany bolš adukavanyja, moža prosta zrazumieli, jak treba trymacca.

Abbactva na hary Śviatoha Michaiła ŭ Narmandyi
Abactva na hary Śviatoha Michała ŭ Narmandyi.

Siaredniaja francuzskaja siamja z dvuma dziećmi adpačyvaje ŭ miežach krainy prykładna za 3 tysiačy eŭra. Za hetyja hrošy jany mohuć pravieści dva tydni. U adpačynku siamja časta aranduje pryvatny dom — heta vielmi papularna siarod francuzaŭ.

Taki čatyrochpakajovy dom z ułasnym basiejnam pobač ź Bijarycam budzie kaštavać 1100 jeŭra za tydzień.

Pajezdki ŭ hłybinku, prosta ŭ niejkuju viaskovuju miascovaść taksama abychodziacca tanna. Ale francuzy nie vielmi lubiać tak bavić čas. Usio ž jany addajuć pieravahu marskim uźbiarežžam.

Harnałyžnyja kurorty nie vielmi papularnyja siarod zvyčajnych francuzaŭ. Heta ŭžo elitarny adpačynak, vielmi-vielmi darahi.

Kuršaviel — samy viadomy francuzski horny kurort. Tut doraha navat dla samich francuzaŭ.

Ja sam z Nanta — horad na zachadzie Francyi. Majo lubimaje miesca dla adpačynku va Francyi — vostraŭ Re ŭ Atłantyčnym akijanie kala zachodniaha ŭźbiarežža krainy. Na Mižziemnym mory dla mianie zašmat ludziej, vielmi šumna.

Vostraŭ Re.

Lublu Paryž. Tak, tam šmat turystaŭ, ale tam i atmaśfiera! Francuzy taksama chodziać u znakamituju kaviarniu «Kłazery-de-Lila», ale bolšaść naviednikaŭ tam — hości krainy. Samo saboj, u Paryžy turysty ŭ asnoŭnym baviać čas u centry: Notr-Dam, Łuŭr.

Paryžski sabor Notr-Dam viadomy va ŭsim śviecie dziakujučy ramanu Viktora Hiuho «Sabor Paryžskaj Božaj Maci».

Francuzy ž čaściej iduć u rajony Mare, Centra Pampidu, da byłoj Bastylii ci ŭ paŭnočnyja rajony horada. Ja taksama vielmi lublu byvać la Bastylii. Tam šmat vydatnych kaviarniaŭ, baraŭ.

Płošča Bastylii ŭviečary.

Jašče mnie vielmi padabajecca byvać na Levym bierazie, u rajonie vakoł carkvy San-Siulpis, heta ŭ Šostaj akruzie, la Sen-Žermen. Na žal, turystaŭ tam taksama nie brakuje.

Carkva Sen-Siulpis.

Kali vy amatar hastranamičnaha turyzmu, to najlepšuju kuchniu vy znojdziecie na paŭdniovym zachadzie Francyi. Heta Pieryhor — rehijon, suśvietna viadomy svaimi stravami. Kali vy chočacie dobra pajeści i asałodu atrymać ad sapraŭdnaj lubovi da hastranamii, pajeździcie pa rehijonie pamiž Bijarycam, Bardo i Tułuzaj.

Vinahradniki «Šato-Lahrezet», na poŭnačy ad Tułuzy. Vinahrad tut źbirajuć uručnuju, a potym 18 miesiacaŭ vytrymlivajuć u dubovych bočkach. Vino možna kaštavać u miascovych barach i restaracyjach.

Tam vielmi dobraje miascovaje vino, litaralna ŭsio — heta ž bardo. Na poŭnačy, u svaju čarhu, addajuć pieravahu pivu.

Och, a ja sa stravaŭ najbolš lublu «kasule» (cassoulet). Što heta? Heta smažanina ź miasnoha asarci z fasolaj, takaja sytnaja, idealnaja zimovaja ježa. U hlinianym harščečku hatujecca drobna narezanaje miasa — naprykład, tłustyja kaŭbaski i kačka — i biełaja fasola.

Voś tak vyhladaje «kasule».

Jašče ja vielmi lublu «kanfi de kanar»: heta prasolenyja kavałački kački, jakija tušacca ŭ kačynym abo husinym šmalcy.

Za abiedam ja lublu lohkaje čyrvonaje vino z paŭnočnaha ŭschodu.

Kanfi de kanar z bulbaj i šparahoŭkaj.

Čutki pra butelku vina za abiedam — heta absalutnaja praŭda. Heta tradycyja. Kali ja pryjazdžaju da baćkoŭ, my zaŭsiody abiedajem ź vinom. Pryčym, nieabaviazkova ŭ kancy dnia. Vypić troški vina za abiedam, a potym pajechać zajmacca spravami — absalutna narmalna dla francuzaŭ.

Sam ja starajusia pravodzić adpačynak va Francyi. Pajedu jak zvyčajna na svoj ŭlubiony vostraŭ Re, budu płavać i hulać. A adpačyvać za miažoj nie vielmi chaču — ja pa rabocie i tak uvieś čas vandruju.

Darečy, francuzy, kali vyjazdžajuć adpačyvać za miažu, šukajuć miescy, dzie niama svaich suajčyńnikaŭ. Heta, napeŭna, ahulnanacyjanalnaja rysa. Nu, kožny ž adpačyvaje ad taho, što nadakučyła…».

Kamientary10

Bajden vychodzić z prezidenckaj honki43

Bajden vychodzić z prezidenckaj honki

Usie naviny →
Usie naviny

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi

USU nanieśli ŭdar pa vajskovym aeradromie ŭ Rastoŭskaj vobłaści2

Niemiec, prysudžany da rasstrełu, datyčny da dyviersij? Voś što za historyja heta mahła być9

U ZŠA vyzvalili žančynu, jakaja adsiadzieła 43 hady ni za što2

bolš čytanych navin
bolš łajkanych navin

Bajden vychodzić z prezidenckaj honki43

Bajden vychodzić z prezidenckaj honki

Hałoŭnaje
Usie naviny →