Lidar hurta «Amaroka» vypuściŭ biełaruskamoŭnuju hulniu-adhadajku
Jana nazyvajecca «Kazačnik», i ŭ joj vykarystanyja karciny biełaruskich mastakoŭ.
Apošnim časam roznyja nastolnyja hulni na biełaruskaj movie stali vielmi papularnymi. Užo isnujuć histaryčnaja «1514», «Jaščarka» i hulnia «Razam», u jakoj treba adhadvać słovy. Zaraz u prodažy źjaviŭsia «Kazačnik», jaki pa svaim ałharytmie nahadvaje papularnuju «Dixit». Aŭtar i vykanaŭca idei - Źmicier Afanasienka, śpiavak hurta «Amaroka».
Hetaja hulnia pabudavanaja na asacyjacyjach. Praviły ŭ jaje davoli prostyja: kožny udzielnik napačatku maje 6 kartak z malunkami i adnu kalarovuju fišku ŭ vyhladzie kazy. Pieršy, chto chodzić (Kazačnik), vykładaje lubuju svaju kartku vyjavaj uniz i nazyvaje słova ci frazu, ź jakoj malunak na kartcy asacyjujecca. «Tam, dzie ŭ poli viarba», naprykład. Astatnija ŭdzielniki hladziać na svaje kartki, abirajuć tuju, malunak na jakoj najbolš pasuje da pola dy viarby i taksama kładuć pa adnoj na stoł. Zatym Kazačnik, toj, chto chadziŭ pieršym, pieravaročvaje kartki. Zadača hulcoŭ - zdahadacca, jakuju kartku pakłaŭ Kazačnik. Kali chtości z hulcoŭ zdahadvajecca, jamu naličvajucca bały, taksama bały atrymlivaje Kazačnik, zatym jaho rolu vykonvaje nastupny. Fiška ŭ vyhladzie kazy patrebnaja dla taho, kab pieramiaščać jaje pa poli ź ličbami i tym samym adsočvać svaje bały.
Asablivaść hulni nie tolki ŭ tym, što jana biełaruskamoŭnaja, na kartkach — malunki sučasnych biełaruskich mastakoŭ Hanny Silivončyk, Paŭła Kulšy, Haliny Ivanovaj dy Juryja Padvierbnaha.
«Spačatku ja ŭvohule sumniavaŭsia, što znajdu mastakoŭ dla svajoj zadumy, — raspaviadaje Źmicier. — Pašukaŭ pa archivach, pa sajtach. Pałova adrazu admovilisia, ale čatyroch ja znajšoŭ, i dalej my razam abirali malunki. Treba było, kab malunki byli nie vielmi abstraktnymi, kab było šmat detalaŭ, za jakija padčas hulni možna začapicca. Paśla pryjšłosia vyrašać pytańnie ź fiškami, bo daloka nie paŭsiul jość łazier, jaki zmoh by zrabić takija drobnyja fihurki. Ale ja zaŭvažyŭ, što kali biarešsia za niejkuju spravu z achvotaj dy impetam, to patrebnyja ludzi znachodziacca sami. Ideja pryjšła mnie ŭ hałavu miesiacy dva tamu, i voś siońnia my ŭžo trymajem u rukach hatovuju hulniu».
Źmitru dapamahali znajomaja dyzajnierka dy siabry z «Art-siadziby», a pieršymi «beta-testerami» byli svajaki, jakija dapamahali pierarabić niekatoryja detali i zrabić hulniu bolš daskanałaj. Ale asnoŭnuju pracu Afanasienka rabiŭ sam, navat farbavaŭ fihurki pry dapamozie bałončykaŭ dy ŭručnuju kleiŭ nalepki.
Hulać u «Kazačnika» mohuć ad 3 da 6 čałaviek, pa časie hulnia zajmaje kala 30-50 chvilin. Pakul vyjšła ŭsiaho 20 asobnikaŭ, ale kali budzie popyt, to nakład płanujecca pavialičyć.
Kaštuje hulnia 290 tysiač, znajści jaje možna ŭ internet-kramach symbal.by dy prastora.by.
«Zaraz my płanujem zładzić prezientacyju na kursach «Mova Nanova» u Maładziečna, — dzielicca płanami Źmicier, — a taksama štopiatnicu tut, u «Art-siadzibie», budziem ładzić mierapryjemstvy dla amataraŭ nastolnych hulniaŭ. Na nastupnym tydni, 6 sakavika, budziem hulać u «Kazačnika», paśla, napeŭna, buduć i «1514», i «Jaščarka».
Taksama Źmicier kaža, što ŭ jaho źjaviłasia ideja jašče adnoj nastołki, na hety raz — ekanamičnaj. Za asnovu budzie ŭziataja mapa Minska časoŭ VKŁ.
«Ciapier moładzi ŭžo nie tak cikava siadzieć u internecie, — padsumoŭvaje aŭtar «Kazačnika». — Kudy cikaviej raźvirtualvacca, vandravać ź siabrami, chadzić na moŭnyja kursy dy źbiracca ŭ vialikich kampanijach, kab pravieści cikava čas. Dumaju, novyja nastolnyja hulni im u hetym dapamohuć».
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary