Pradprymalnik ź Viciebska raspavioŭ ab čarhovym vypadku dyskryminacyi biełaruskaj movy.
Na forumie belarus.d3.ru źjaviłasia paviedamleńnie IP, jaki napisaŭ pad nikam netyar:
«Akazvajecca, u nas ciapier etykietki na biełaruskaj — pa-za zakonam.
Ja ŭ siabie ŭ Viciebsku sprabuju raźvivać nievialikuju charčovuju vytvorčaść. Nie ŭsim ža čamadanami handlavać, chtości i ŭ realnym siektary pavinien pracavać. Dyk voś, vyrašyŭ ja ŭ Novy hod uvajści z novaj pradukcyjaj. Arhanizavaŭ vytvorčaść dyjetyčnych chlebcaŭ z celnaha zbožža. Rysavyja, pšaničnyja, hračanyja. Pravioŭ daśledavańnie rynku, zakupiŭ i naładziŭ abstalavańnie, nadrukavaŭ etykietki. Usiaho ŭ mianie čatyry vidy chlebcaŭ, i vyrašyŭ ja na adzin ź ich lapić etykietku na biełaruskaj movie. A na astatnija try — na ruskaj.
Zrabiŭ probnuju partyju, addaŭ u sanstancyju na analiz, usio ŭ paradku. Ciapier treba iści ŭ Centr standartyzacyi dla atrymańnia važnaj papiery — dekłaracyi ab adpaviednaści. Heta apošni etap, paśla jaho — adrazu na palicu ŭ kramu. Ale jak by nie tak.
Siońnia Centr standartyzacyi admoviŭ mnie ŭ vydačy važnaj papiery na tyja chlebcy, što ź biełaruskaj etykietkaj. Kažuć, jakaja takaja biełaruskaja mova? Pišycie na ruskaj.
Ja spačatku padumaŭ byŭ, što heta žart. Kažu, voś ža, jość dziaržaŭny standart STB 1100-2007, u im u p. 4.3 skazana, što etykietka na tavary moža być na biełaruskaj i/abo ruskaj. Jon što, pytajusia, nie dziejničaje bolš? A mnie ŭ adkaz: dziejničaje. Ale jašče ŭ nas ciapier dziejničaje Techničny rehłamient Mytnaha sajuza 022-2011, dzie skazana (p. 1 art. 4.1), što ŭsie tavary ciapier pavinny markiravacca na ruskaj movie, a pry vialikim žadańni možna pradublavać na biełaruskaj abo kazachskaj. Ale ruskaja pavinna być abaviazkova.
Karaciej, skazali mnie, vykidvaj partyju etykietak na svajoj biełaruskaj, i zamaŭlaj novuju na ruskaj. Heta značyć, ruskaja mova ŭ nas ciapier bolš važnaja. Voś takaja ŭ nas roŭnaść u MS. I plavać Maskvie na našu Kanstytucyju i elemientarnyja normy prystojnaści».
Kolki nasamreč ciahnucca pracoŭnyja pajezdki Łukašenki? Cikavyja ličby10
Kamientary