Pietrykaŭskim RASK 10 śniežnia raspačata sprava ŭ dačynieńni da 56-hadovaha žychara Rasijskaj Fiederacyi pa č. 1 art. 139 Kryminalnaha kodeksa (zabojstva).
Paśla likvidacyi pažaru ŭ adnym z pryvatnych haražoŭ u Pietrykavie supracoŭniki MNS znajšli trup mužčyny. Pry praviadzieńni ekśpiertnaha daśledavańnia supracoŭnik Žytkavickaha mižrajonnaha adździeła Dziaržaŭnaha kamiteta sudovych ekśpiertyz znajšoŭ na ciele pamierłaha cialesnyja paškodžańni kryminalnaha charaktaru.
Jak paviedamiła aficyjny pradstaŭnik USK pa Homielskaj vobłaści Maryja Kryvanohava, pry praviadzieńni pieršapačatkovych śledčych dziejańniaŭ i apieratyŭna-vyšukovych mierapryjemstvaŭ ustanoŭlena, što 9 śniežnia prykładna ŭ 20.00 u chodzie kanfliktu padčas sumiesnaha raśpivańnia śpirtnych napojaŭ padazrony nanios niekalki ŭdaraŭ nažom u vobłaść hrudnoj kletki svajmu 49-hadovamu znajomamu suajčyńniku, paśla čaho ŭciok ź miesca zdareńnia.
Paźniej padazrony byŭ zatrymany. Ź jaho ŭdziełam pravodzicca kompleks śledčych dziejańniaŭ, nakiravany na ŭstanaŭleńnie ŭsich abstavinaŭ zdareńnia.
Zahinuły na praciahu tydnia zajmaŭsia ramontam čužoha aŭtamabila «Micubisi-Padžera» i žyŭ u hetym haražy.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana12
Kamientary