Пракуратура Германіі праводзіць расследаванне па Рыка Крыгеру — правяраюць яго дачыненне да выбуху
У Беларусі Крыгера прысудзілі да смяротнага пакарання за нібыта дыверсію на станцыі Азярышча пад Мінскам. Затым мужчыну выдалі Германіі ў рамках абмену.
Федэральная пракуратура Германіі пачала расследаванне ў дачыненні да Рыка Крыгера.
Следчыя правяраюць яго дачыненне да стварэння выбуховага прыстасавання, а таксама да выбуху, паведамляе Tagespiegel.
Па даных нямецкіх СМІ, пракуратура падазрае Крыгера ў тым, што ён падаў заяву на ўступленне ў Полк Каліноўскага. Пры гэтым падчас следства ў Беларусі ён казаў, што супрацоўнічаў з СБУ — нямецкая пракуратура правярае гэтую інфармацыю.
Абарона Крыгера сцвярджае, што ён хацеў пайсці добраахвотнікам, каб абараняць Украіну, а не здзяйсняць тэракты.
Па нямецкім заканадаўстве, калі грамадзянін Германіі здзяйсняе асабліва цяжкае злачынства за мяжой, пракуратура павінна правесці ўласнае расследаванне.
Крыгер быў прысуджаны Мінскім абласным судом да смяротнага пакарання за акт тэрарызму і па яшчэ некалькіх артыкулах. Пазней ён быў памілаваны Лукашэнкам і вернуты на радзіму ў рамках вялікага абмену зняволенымі паміж Расіяй і Захадам.
У Беларусі перад выбарамі могуць блакаваць інтэрнэт — як да гэтага падрыхтавацца, каб быць на сувязі2
Каментары
А спадару Кругеру так і гэдак ў нямецкей вязьніцы лепей, як ў крухмальнай.
Нашыя зычэньні ічкэрыйскім ўдовам
У гэтай історыі пакуль што шмат чаго невядомага і дзіўнага, але прынамсі 2 рэчы відавочныя:
1.Крыгер - асоба з ментальнымі адхіленнямі і вельмі выклікальная, і правесці гэтую аперацыю цалкам самастойна ён быў ня здольны.
2.Асоба нібыта украінскага паходжання, якая падбухторыла Крыгера - невысветлена. Прыкладна як ў выпадку з "печанскім тэрарыстам" Малейчуком існаваў нейкі Яўген, які падбухторыл і справакаваў Малейчука зрабіць нешта падобнае на бомбу, але дзіўным чынам застаўся па-за межах раследвання. Пра тое, хто даваў Крыгеру інструкцыі - таксама нічога дакладна не вядома.
3.Выбух быў здейснены менавіта такім чынам, каб стварыць пераканальную карцінку тэракту перш за ўсё для немецкага боку, але адначасова не нанесці істотнай матэрыяльнай шкоды. Між тым ніякіх аб'ектыўных доказаў, што Крыгер мае датычэнне непасрэдна да выбуху - няма. Але адначасова сабрана шмат доказаў таго, што Крыгер загадзя наведаў месца будучага "тэракта".
З улікам сумневаў у ментальнай адэкватнасці Крыгера вельмі верагодна, што выбух арганізавалі самі КДБшнікі. Чаму абыйшліся без ахвяр і сур'езных разбурэнняў, як у менскім метро ў 2011? Адказ просты - Крыгера адразу рыхтавалі да абмену, але не былі ўпэўнены на конт таго калі ён адбудзецца і ці адбудзецца ўвогуле. Таму рэжым больш за поўгады пазбягаў ствараць празмерную цікавасць у беларускім грамадстве да гэтай вельмі смярдзючай для яго справы. Інакш чым растлумачыць, што падазраванага Крыгера затрымалі амаль што адразу пасля выбуху, але нават сам факт выбуху заставаўся афіцыйна непадцверджаным?