Іспанка расказала пра незразумелы ўчынак беларуса — вы здзівіцеся
Дзяўчына з Іспаніі схадзіла на вячэру з беларусам і здзівілася настолькі, што напісала пра гэта ў сацсетцы. Што пайшло не так?
У англамоўнай сацсетцы Reddit з’явіўся пост ад 27-гадовай іспанкі, якая працуе ў міжнароднай кампаніі. Дзяўчына расказала пра карпаратыўную вячэру, дзе ў тым ліку прысутнічаў яе 35-гадовы калега з Беларусі. Яна выбрала месца каля яго і адзначыла, што мужчына быў даволі таварыскі.
Потым здарылася нешта, што вельмі здзівіла іспанку. Яна замовіла піва, і калі афіцыянт прынёс напой, ён пакінуў піва і куфаль каля дзяўчыны. Тады беларус прапанаваў наліць ёй піва, і гэта збянтэжыла іспанку. Яна спытала ў калегі, што той меў на ўвазе, беларус адказаў ёй, каб яна не хвалявалася, і хутка змяніў тэму. Пасля карпаратыву іспанка напісала пост, дзе запыталася: ці нармальная гэта сітуацыя для Беларусі?
Каментатары супакоілі дзяўчыну: гэта цалкам нармальны выпадак, і такое можна сустрэць не толькі ў Беларусі, але і па ўсёй Усходняй Еўропе. Адзін з каментатараў адзначыў, што паводзіны беларуса былі трошкі старамодныя, але ён проста спрабаваў весці сябе выхавана.
Іншы каментатар адзначыў, што беларускія мужчыны могуць ісці яшчэ далей:
«Гэта можа быць шырокім абагульненнем, але чакайце ад беларускага мужчыны, што ён будзе ставіцца да любой жанчыны з абсалютным рыцарствам. Не здзіўляйцеся, калі яны аплацяць рахунак у рэстаране, дазволяць вам сесці першай, будуць несці вашы торбы і гэтак далей».
Праваабаронцы: Некаторыя палітвязні адмовіліся выходзіць на волю 3 ліпеня, не пагадзіўшыся з умовамі вызвалення1
Каментары