Мінчук абраў дзіўны спосаб знаёмства з дзяўчатамі — і атрымаў крымінальную справу
Не абышлося без пярцовага балончыка.
![](http://nnexpictures.fra1.digitaloceanspaces.com/img/w732d4webp1/photos/z_2024_07/1-6p2fp.jpg.webp)
Скрыншот відэа: МУС
Мінчук з сябрам пазнаёміліся з дзвюма дзяўчатамі каля адной са сталічных крамаў. Аднак гутарка не задалася.
У нейкі момант аднаму з хлопцаў здалося, што дзяўчаты не надаюць яму належнай увагі. Завязаўся канфлікт, падчас якога 20-гадовы мінчук распыліў дзяўчатам у вочы газ з пярцовага балончыка.
Адна з пацярпелых змагла запісаць хлопцаў на відэа. Маладога чалавека неўзабаве затрымалі.
Ён патлумачыў свой учынак тым, што быў п'яны. Мінчук не быў судзімы, не прыцягваўся ў адміністрацыйнай адказнасці. Цяпер ён атрымаў крымінальную справу за хуліганства.
Каментары