Паводле звестак крыніц «Новай газеты Еўропа», 8 чэрвеня ў Чачэнскай рэспубліцы адбыліся вяселлі двух сыноў Кадырава — 17-гадовага Элі Кадырава і 16-гадовага Адама Кадырава. У адрозненне ад пышнага вяселля старэйшага сына кіраўніка Чачні Ахмата, якое адгрымела ў сакавіку мінулага года з выключнай дэманстратыўнасцю, на гэты раз урачыстасці прайшлі ў абстаноўцы беспрэцэдэнтнай сакрэтнасці. Прычынай такой сакрэтнасці крыніцы лічаць скандальна юны ўзрост маладых.
Нявестамі сыноў Кадырава сталі сваячкі найбліжэйшых паплечнікаў кіраўніка Чачні. Так, Элі ажаніўся са старэйшай унучкай дэпутата Дзярждумы ад рэспублікі Адама Дэлімханава, а Адам — з дачкой чачэнскага сенатара Сулеймана Герэмеева.
Па даных «Новай-Еўропы», маці нявесты Элі Кадырава зʼяўляецца дачка Дэлімханава Хедзі. Яна нарадзілася ў 1993 годзе і, паводле звестак выдання, выйшла замуж у 17 гадоў. Такім чынам, 17-гадовы Элі Кадыраў ажаніўся з дзяўчынкай, якая не можа быць старэйшай за 14 гадоў, робіць выснову газета.
На думку аўтараў матэрыялу, «таемныя, хуткія і сумнеўныя з пункту гледжання расійскага закона» вяселлі малодшых сыноў Кадырава сведчаць, што сітуацыя ў Чачні «развіваецца па форс-мажорным» сцэнары. Прычынай спешкі выданне лічыць смяротную хваробу Кадырава.
Раней стала вядома, што Кадыраву дыягнаставалі некроз падстраўнікавай залозы. Пры гэтым, па даных «Новай-Еўропа», у верасні 2023 года чале Чачні паставілі новы дыягназ, які, па словах крыніц выдання, прывёў у роспач блізкае асяроддзе Кадырава.
Па версіі газеты, кіраўнік Чачні ўсведамляе, што сваім «жорсткім кіраваннем» ён паставіў пад пагрозу будучыню сваёй сямʼі і цяпер спрабуе засцерагчы сваіх сыноў усімі даступнымі спосабамі.
Па гэтай прычыне Кадыраў вырашыў, што лепш зрабіць Дэлімханавых і Герэмеевых сваякамі — калі ўжо не па крыві, то па шлюбе.
На думку аўтараў артыкула, асабістыя сустрэчы сыноў Кадырава з Пуціным патрэбны таксама для таго, каб прадэманстраваць, што гарантыі бяспекі Крамля распаўсюджваюцца і на іх.
Тыя ж мэты маюць і прызначэнні непаўналетніх дзяцей Кадырава на высокія дзяржаўныя пасады ў рэспубліцы, і іх шлюбы з прадстаўнікамі ўплывовых чачэнскіх семʼяў. Усё гэта павінна стаць залогам бяспекі дзяцей Кадырава пасля яго смерці, піша «Новая-Еўропа».
Чатыры жонкі Рамзана Кадырава, якія нарадзілі яму 14 дзяцей: хто яны
Пляменніка Кадырава прызначылі міністрам транспарту Чачні
На фоне чутак пра хваробу Кадыраў прыехаў на інаўгурацыю Пуціна. Развеяць чуткі яму гэта не дапамагло
«Ранейшага лідара ўжо не будзе». Рамзан Кадыраў невылечна хворы
Кадыраў прызначыў свайго 16-гадовага сына куратарам прыватнага ўніверсітэта спецназа імя Пуціна
«Людзі, я вярнулася ў СССР. Яшчэ і 170 рублёў за гэты кашмар!» Блогерка абурылася начной чаргой у падатковую7
Каментары