У маскоўскай бальніцы, так і не апрытомнеўшы, 10 чэрвеня памёр былы мэр Купянска на Харкаўшчыне Генадзь Мацэгора, які пасля пачатку поўнамаштабнай расійскай агрэсіі ва Украіне перайшоў на бок ворага. 8 чэрвеня на яго быў здзейснены замах.
У Мацэгору стралялі каля ягонага дома ў Старым Асколе Белгарадскай вобласці 8 чэрвеня. Пасля таго ён быў, як выявілася, смяротна паранены. Пра смерць калабаранта паведаміла ў сацсетках ягоная маці.
Пасля акупацыі Купянска Мацэгора супрацоўнічаў з расійскімі вайскоўцамі.
«У чэрвені 2022 года ён падпісаў так званы пратакол стварэння акупацыйнай Харкаўскай адміністрацыі і публічна пра гэта абвясціў. Пасля вызвалення Купянска збег з расейцамі ў Белгарадскую вобласць, дзе маскоўскія гаспадары прыставілі да Мацэгоры ўзмоцненую ахову», — адзначылі пасля замаху ва ўкраінскім ГУР.
Апошнім часам былы мэр працаваў у Расіі дырэктарам фізкультурна-аздараўляльнага комплекса «Георгіеўскі».
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?11
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары