У Карэліцкім раёне маці дзіцяці-інваліда прасіла 20 рублёў за сэкс — і атрымала штраф у 12 разоў большы
Жанчыну пакаралі па артыкуле за прастытуцыю.
Жанчына жыве ў адной з вёсак у Карэліцкім раёне і даглядае дзіця-інваліда. У анкеце на сайце знаёмстваў яна прапаноўвала інтымныя паслугі за грошы. За сэкс яна прасіла 20 рублёў, піша Hrodna.life.
Анкету, мяркуючы з усяго, знайшлі міліцыянты. На жанчыну склалі адміністрацыйны пратакол па артыкуле аб занятку прастытуцыяй.
Суд 22 траўня прызначыў жыхарцы Карэліцкага раёна штраф у шэсць базавых, гэта значыць 240 рублёў. Сама жанчына на пасяджэнне не прыйшла.
Мяркуючы па іншых аналагічных справах, такі штраф — цалкам тыповы па гэтым артыкуле КоАП.
Каментары