КІраўнік Расіі заявіў, што ў такім выпадку вайна б скончылася.
![](http://d3kcf2pe5t7rrb.cloudfront.net/img/w732d4webp1/photos/stock/lukashenka_putin_2024-luq3a.jpg.webp)
Фото: Getty Images
Уладзімір Пуцін, выступаючы перад журналістамі па выніках візіту ва Узбекістан, пракаментаваў прапанову Аляксандра Лукашэнкі дамовіцца з украінскімі вайскоўцамі адносна міру.
Пуцін панаракаў, што ўкраінскай арміяй камандуе не Лукашэнка.
«На жаль, пакуль Аляксандр Рыгоравіч вайскоўцамі на Украіне не камандуе. Калі б камандаваў, мы б даўно завяршылі гэты канфлікт. Прычым па ўзаемным задавальненні. Мы б знайшлі развязкі з Украінай», — адзначыў Пуцін.
Ён зноў абвінаваціў украінскія ўлады ў тым, што яны нібыта не кіруюцца нацыянальнымі інтарэсамі.
Лукашэнка на сустрэчы 11 красавіка заявіў, што мірныя прапановы Пуціна маглі б зацікавіць украінскіх вайскоўцаў.
Каментары