Людзі ў Расіі масава пішуць на бюлетэнях «Не вайне» і «Пуцін забойца» ФОТЫ
Цэнтрвыбаркам РФ заявіў, што агульная яўка па Расіі да 9:30 па маскоўскім часе склала 60%.
Апазіцыя на ўчастках у Расіі і за мяжой праводзіць акцыю «Апоўдні супраць Пуціна», якую абвясціла каманда Навальнага.
А расіяне тым часам псуюць бюлетэні на выбарах, куды не дапусцілі ніводнага антываеннага кандыдата. Сярод надпісаў, якія пакідаюць выбаршчыкі, — «Не вайне», «Слава Украіне», насупраць прозвішча Пуціна пішуць «забойца», «чакаем у Гаазе».
![](http://nnexpictures.fra1.digitaloceanspaces.com/img/w732d4webp1/photos/z_2024_03/1-ve9pd.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/2-xdqiq.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/3-272h7.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/4-s3xsp.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/5-66hfc.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/6-6kipy.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/11-2pzh0.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/22-zafyl.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/33-6jst4.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/44-993ft.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/55-c8alx.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_03/66-j90z5.jpg.webp)
Такія дзеянні не засталіся без увагі. Як паведамляе «Медуза», на выбарчых участках у Маскве і Падмаскоўі ў суботу з-за надпісаў на бюлютэнях было затрымана некалькі чалавек.
Пра сваё затрыманне на выбарчым участку па гэтай прычыне распавяла жыхарка Падольска Марыя Аляксеева. Што канкрэтна напісала дзяўчына, і як яе затрымалі, невядома.
Таксама ў маскоўскім раёне Рамянкі на выбарчым участку быў затрыманы мужчына за тое, што напісаў у сваім бюлетэні «Пуцін забойца». Надпіс убачыў супрацоўнік паліцыі, пасля таго як выбаршчык апусціў ліст у скрыню і той упаў вонкавым бокам уверх.
Затрыманага даставілі ў мясцовае АУС. Яго абвінавачваюць у «непадпарадкаванні паліцыі». Як паведамляецца, ў аддзеле ён прабудзе да панядзелку.
У Адзінцова мужчына ў спісе выбаршчыкаў напісаў слова «байкот» і паспрабаваў забраць з сабой выбарчы бюлетэнь. Адзін з сябраў камісіі выклікаў паліцыю.
Чатырохгадовая Мая Любімцава, якую шукалі больш за суткі, загінула
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Каментары