Наведнікі Мінскай кніжнай выставы назвалі самым цікавым аўтарам А.С. Пушкіна, але не змаглі згадаць ніводнага яго твора
Тройку найбольш папулярных беларускіх аўтараў узначаліў Уладзімір Караткевіч.
![](http://nnexpictures.fra1.digitaloceanspaces.com/img/w732d4webp1/photos/z_2024_03/1030624079_048900554_1280x0_80_0_0_77131801a3d2dc64ee1f00ce9f53acf9-t6web.jpg.webp)
Найбольш цікавымі для сябе аўтарамі ўдзельнікі мінскай выставы назвалі А. Пушкіна, М. Булгакава, а таксама Ф. Дастаеўскага. Сярод твораў былі адзначаны «Майстар і Маргарыта», «Вайна і Мір», «Яўген Анегін», «Злачынства і пакаранне». Таксама называлі Біблію.
Варта адзначыць, што кніг А.С. Пушкіна наведвальнікі мерапрыемства адразу ўспомніць не змаглі, паведамляе тэлеграм-канал Нацыянальнай акадэміі навук Беларусі.
Тройку найбольш папулярных беларускіх аўтараў узначалілі Уладзімір Караткевіч, Васіль Быкаў і Якуб Колас. Далей размясціліся Іван Шамякін і Янка Купала.
Сярод найбольш цікавых твораў рэспандэнты адзначылі «Каласы пад сярпом тваім», «Дзікае паляванне караля Стаха», «Новая зямля», «Людзі на балоце» і «Сэрца на далоні».
Каментары