Грамадства2929

«Мы павінны здацца Лукашэнку?» Латушка адказаў Астапеню

Павел Латушка адказаў на заклік Рыгора Астапені выпрацаваць новую, больш асцярожную тактыку дэмакратычных сілаў.

Павел Латушка Павел Латушко Pavel Latushko
Павел Латушка. Скрын відэа PavelLatushka / YouTube

У сваім звароце кіраўнік Народнага антыкрызіснага ўпраўлення Павел Латушка наўпрост не называе імёнаў, а адзначае, што існуе меркаванне наконт таго, што санкцыі быццам бы правакуюць Лукашэнка на працяг рэпрэсій у Беларусі, а іх узмацненне прыводзіць да яшчэ большых рэпрэсій.

Латушка прапануе паглядзець на праблему праз іншую аналогію: агрэсія і супраціў. І ў якасці прыкладу прыводзіць Украіну. «Ці трэба супраціўляцца агрэсару, ці трэба яго караць за агрэсію? Ці трэба скласці зброю, капітуляваць і заплюшчыць вочы на ўсё, што ён ужо нарабіў, каб не правакаваць яго на яшчэ большую агрэсію?

Што трэба было рабіць Украіне, калі Расія пры ўдзеле рэжыму Лукашэнкі развязала супраць яе поўнамаштабную вайну? Што трэба было рабіць Украіне, каб не «справакаваць» Расію? І што Украіне трэба рабіць зараз? Можа быць, здацца, капітуляваць, здаць свае тэрыторыі?

А што рабіць партнёрам Украіны, пра што Украіне трэба іх прасіць? Можа быць, ім трэба сказаць: ну добра, Расія, мы перастаём дапамагаць Украіне, здымаем з цябе ўсе санкцыі і заадно прызнаем, што акупаваныя табой тэрыторыі афіцыйна становяцца тваёй часткай — таму што мы не хочам цябе далей правакаваць. Так?» — задае пытанні палітык.

На погляд Латушкі, «у 2020-м годзе Лукашэнка напаў на беларусаў, якія не хочуць жыць пад яго дыктатурай (гэтак жа, як украінцы не хочуць жыць пад расейскай акупацыяй). Гэты напад у выглядзе масавых штодзённых рэпрэсій, якія ўжо неаднаразова былі названыя, якія носяць прыкметы і падпадаюць пад злачынствы супраць чалавечнасці ў розных міжнародных дакументах, працягваецца дагэтуль».

Латушка нагадвае, што Лукашэнка як марыянетка Пуціна забяспечыў напад Расіі на Украіну з тэрыторыі Беларусі, і такім чынам здзейсніў акт агрэсіі адносна Украіны. І гэта злачынства працягваецца. Акрамя гэтага Лукашэнка арганізуе незаконныя перамяшчэнні і дэпартацыю ўкраінскіх дзяцей з часова акупаваных тэрыторый, што з'яўляецца ваенным злачынствам.

«І што ж у гэтых умовах прапануюць нам прыхільнікі падыходу «не правакаваць агрэсараў»? Я адкажу, што яны прапануюць — змірыцца, бяздзейнічаць і здацца. Здаць Украіну Пуціну. І здаць Беларусь Лукашэнку. Што ў канчатковым выніку азначае таксама здаць Беларусь яго гаспадару — Пуціну. Гэта значыць замест «быць», яны прапануюць «не быць», — адзначае Павел Латушка і звяртаецца да гледачоў з пытаннем, што выбіраюць яны.

Чытайце яшчэ:

«Не злаваць дзеда». Рыгор Астапеня прапанаваў новую стратэгію дэмакратычным сілам

«У даркнэце быў аб’яўлены кошт за маё жыццё» — Латушка

Павел Латушка расказаў, як Пяткевіч забараніла яму ісці на юбілей Барадуліна

Каментары29

  • Рышалье
    07.03.2024
    Францыя здалася Гітлеру і апынулася сярод пераможцаў, чаму не? Тым больш беларусы не хочуць змагацца за Беларусь, ім і так добра, толькі візы цяжка атрымаць стала. Затое ў Азію патокі выраслі, расеюшцы свае грошыкі павезлі
  • снайпер
    07.03.2024
    На репрессии провоцирует отсутствие санкции, отсутствие международного ордера МУС на арест лукашенко и его силовой верхушки, да панический страх уголовной ответственности лукашенко и его кодлы. Они, своими преступлениями против человечности и человечества, загнали себя в колесо и маховик террора населения, репрессии населения. Их, уже, никто не остановит, разве вариант чаушеску....
    Но нет в кгб и мо лукашенко таких, какие нашлись в Румынии.
     Сообщество не может добиться, хотя бы, ареста всех счетов в офшорах этой кодлы, ведь миллиарды, полученные от русского мира России, под яблоньку не закопаешь.
     

  • Таки да
    07.03.2024
    Латушко прав. Капитулянтов из эмиграции и тут в топку. 

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Усе навіны →
Усе навіны

Камароўскі рынак ператварыўся ў сапраўднае мора ВІДЭА6

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве9

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём5

Мінск сёння пайшоў пад ваду ФОТЫ13

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

Зямля ўвайшла ў метэорны паток Персеідаў. Дзе і калі пабачыць гэту незямную прыгажосць?

больш чытаных навін
больш лайканых навін

Банкі зніжаюць прыбытковасць па валютных дэпазітах да 0,1%. Тлумачым матэматыку

Банкі зніжаюць прыбытковасць па валютных дэпазітах да 0,1%. Тлумачым матэматыку

Галоўнае
Усе навіны →