Лукашэнка анансаваў амністыю-2024 і хоча перагледзець некаторыя артыкулы Крымінальнага кодэкса
Яе хочуць прысвяціць 80-годдзю вызвалення Беларусі ў часе Другой сусветнай вайны.
Галоўнае пытанне: ці закране амністыя хоць каго з палітычных? Папярэдняя палітзняволеных не закранула.
«У гэтым годзе мы адзначым 80-годдзе з дня вызвалення Беларусі ад нямецка-фашысцкіх захопнікаў, — сказаў Лукашэнка. — І калі мы прымем станоўчае рашэнне, то з улікам асаблівасці даты амністыя павінна мець адрозненні. Трэба будзе больш уважліва паглядзець на жанчын і дзяцей, на жанчын з дзецьмі, іншыя катэгорыі асуджаных».
Таксама Лукашэнка ўзняў пытанне «справядлівасці мер крымінальнага пакарання».
«Мы няўхільна паўтараем: дзейнасць дзяржаўных органаў, грамадскіх інстытутаў павінна будавацца на прынцыпе справядлівасці. Гэта датычыцца і крымінальнай палітыкі. Справядлівасць павінна пранізваць увесь крымінальны закон і практыку яго прымянення», — падкрэсліў ён.
«Па маім даручэнні Адміністрацыяй прааналізаваны шэраг артыкулаў Крымінальнага кодэкса і іх рэалізацыя. Узнікаюць пытанні ў сувязі з гэтым, трэба паглядзець, каго мы затрымліваем, каго асуджаем. Ці адпавядаюць назначаныя меры пакарання цяжкасці злачынстваў і той небяспекі, якую ўяўляюць гэтыя людзі для грамадства?» — выказаўся ён.
Фаварытка Лукашэнкі і Чыжа — што прынесла гімнастцы Ксеніі Санковіч блізкасць з палітычнымі элітамі?5
Каментары