21 кастрычніка ў Гданьску адбудзецца «Спеўны сход» з Сержуком Доўгушавым і прэзентацыя спеўніка «Бяседныя песні».
У праграме: супольныя спевы, танцы, застолле. Спецыяльнай госцяй будзе Ірына Ляшкевіч з гурта «Каляжанкі».
Імпрэза адбудзецца па адрасе: Zoe’s Bistro, Gdańsk, Stągiewna 1a.
Набыць квіткі і атрымаць больш інфармацыі можна тут.
Кожны з наведвальнікаў імпрэзы атрымае ў падарунак новы спеўнік, а таксама зможа паўдзельнічаць у сапраўдным застоллі. Колькасць месцаў абмежаваная.
Бяседныя (застольныя, гасцявыя, карчомныя, банкетныя, кірмашовыя) песні — частка багатай і разнастайнай фальклорнай спадчыны беларусаў. Гэта песні, якія спявалі ў святочныя моманты, калі ў застоллі збіраліся разам сям’я, суседзі і знаёмыя.
Спеўнік «Бяседныя песні» быў выдадзены летам 2023 года ўстановай Tradycyja, яго ўкладальнікі: Наста Някрасава і Сяржук Доўгушаў.
Новы спеўнік мае 80 старонак з нотамі, тэкстамі кірыліцай і лацінкай, інфармацыю пра песні, а таксама аўдыядадатак.
«Мы для іх — мяса». Палітвязень выйшаў з меланомай, ён ускладае віну на начальніцу санчасці і прымусовае галенне галавы7
Каментары