Дэсерт з чарнасліву і грэцкіх арэхаў з вяршкамі: вытанчаны смак і суцэльная карысць
Размякчаныя грэцкія арэхі ўраўнаважваюць слодыч чарнасліву, а крэм з вяршкоў дадае дэсерту вытанчанасці. Інгрэдыенты — суцэльная карысць: чарнасліў паляпшае працу сэрца, сасудаў і нырак, зніжае «дрэнны» халестэрын, а грэцкія арэхі паляпшаюць памяць і даюць зарад энергіі.
Распаўсюджаны ў малдаўскай і ўкраінскай кухні, гэты дэсерт можа гатавацца па-рознаму. Рэч у тым, што, каб начыніць грэцкімі арэхамі, чарнасліў спачатку трэба размякчыць — і нехта варыць яго ў вадзе, нехта ў чорным чаі або каве, а хтосьці — у чырвоным віне. Усе гэтыя вадкасці дадаюць свой асаблівы водар. Прапануем адзін з магчымых рэцэптаў.
Каб прыгатаваць чарнасліў, фаршыраваны грэцкімі арэхамі, вам спатрэбіцца:
- чарнасліў без костачак — 500 г (ад свежасці і смачнасці чарнасліву залежыць якасць усяго дэсерту),
- грэцкія арэхі — 100 г,
- віно ці вада — 150 мл (каля 2/3 шклянкі),
- цукар — 2 ст. л.,
- тлустыя вяршкі — 300 мл (каля 1 і 1/4 шклянкі),
- цукровая пудра — 1 ст. л.,
- экстракт ванілі (па жаданні, можна дадаць да прыгатаванага крэму),
- шакалад (па жаданні, можна нацерці на вяршкі перад падачай).
Як гатаваць:
- Спачатку дадайце віно (або ваду) і цукар у невялікі рондаль. Пастаўце рондаль на пліту на сярэдні агонь і памешвайце пару хвілін, пакуль цукар не распусціцца. Пераліце ўсю вадкасць у невялікую гарачатрывалую ёмістасць або кружку.
- Затым начыніце чарнасліў грэцкімі арэхамі і змясціце яго ў той жа рондаль. Заліце чарнасліў вінна-цукровай (ці водна-цукровай) сумессю. Накрыйце рондаль вечкам, пастаўце на пліту на слабы агонь і дайце чарнасліву пакіпець каля 10-15 хвілін.
- Падніміце вечка і пераканайцеся, што алкаголь выпарыўся, а вадкасць ператварылася ў сіроп. Калі не, працягвайце варыць чарнасліў да таго часу, пакуль не перастанеце адчуваць пах алкаголю і сумесь віна і цукру (або сумесь вады і цукру) не ператворыцца ў сіроп. Пасля гэтага зніміце рондаль з агню і дайце чарнасліву астыць.
- Пасля поўнага астывання чарнасліў, фаршыраваны грэцкімі арэхамі, можна падаваць на стол. Ён выдатна глядзіцца ў празрыстай талерцы або шклянцы. У традыцыйным рэцэпце дэсерт падаецца са смятанна-цукровым крэмам. Аднак яго можна падаваць і з крэмам з маскарпонэ замест смятаны або з узбітымі вяршкамі і цёртым шакаладам.
Вам таксама могуць спадабацца:
Жыхарка Слуцка паказала, як рабіць глазураваныя сыркі. І падзялілася рэцэптам
Вы не паверыце, кім аказаўся «выпадковы» баяніст на вакзале, які спяваў пра Лукашэнку19
Каментары
мам, слушай анекдот
Художник рисует обнаженную натурщицу. Заканчивает рисунок и говорит ей: — Пойдем кофе попьем. Натурщица надевает халатик, они идут на кухню, ставят кофе, и тут слышат — в замке ключык поворачивается. — Ой, — говорит художник, — Это жена вернулась... Быстро раздевайся!
п.с. праверце пошту. я вам рысунак дашлю, які ён учора нарысаваў. вам спадабаецца )