Амерыканская пісьменніца напісала дэтэктыў пра шпіёнку ЦРУ ў Мінску
Стала вядома, што амерыканская пісьменніца Кэтлін Кент напісала дэтэктыў пра шпіёнку ЦРУ ў Мінску. У ЗША дэтэктыў «Чорны воўк», дзеянні якога адбываюцца ў Беларусі, паступіць у продаж з 14 лютага, паведамляе партал belmir.by.
400-старонкавая кніга выйдзе ў выдавецтве Mulholland Books 14 лютага 2023 года. Яе сюжэт, як і героі, выдуманыя. У анатацыі да дэтэктыва ўтрымліваюцца некаторыя дэталі сюжэту.
Паводле сюжэту, у 1990 годзе Мелвіна Донліві прыязджае ў БССР на сваю першую місію як агент ЦРУ пад прыкрыццём. Разам з ёй прыязджаюць яшчэ тры калегі, якія не здагадваюцца пра тое, што перад ёй стаяць менавіта такія задачы. Для ўсіх яна простая сакратарка, аднак для кіраўніцтва агенцтва гэта адзіны чалавек, які здольны спыніць уцечку ядзернай зброі з СССР, які ўжо трашчыць па швах, на Сярэдні Усход.
У Мелвіны ёсць таямніца — яна «суперраспазнавальніца», якая не забывае ніводнага ўбачанага ў жыцці чалавека. Аднак ніякая падрыхтоўка не змагла падрыхтаваць яе да жыцця на вуліцах Мінска, на якіх пачынаюць знікаць жанчыны. Высвятляецца, што ў беларускай сталіцы дзейнічае маньяк па мянушцы Свіслацкі душыцель.
Амерыканская пісьменніца Кэтлін Кент — аўтарка шэрагу гістарычных раманаў, напрыклад, «Жонка здрадніка», «Ізгоі», «Ваўкі Андовера». Таксама яна выпусціла серыю дэтэктываў: «Апёк», «Абяцанне», «Дзесяць цэнтаў».
Пісьменніца прызналася, што пры напісанні дэтэктыва «Чорны воўк» абапіралася на свае ўражанні і вопыт, атрыманыя падчас працы ў Беларусі і Казахстане на пачатку 1990-х гадоў у якасці цывільнага падрадчыка Мінабароны ЗША.
Ва Украіне загінула 24-гадовая беларуская добраахвотніца Марыя Зайцава20
Каментары