Свет

Уцечка файлаў Uber: кампанія парушала законы і карысталася дапамогай палітыкаў

Брытанская газета Guardian атрымала доступ да больш чым 124 тысяч дакументаў, якія паказваюць, за кошт чаго гэтая кампанія прасоўвала свой сэрвіс у свеце. Рэпарцёры разблыталі гэтую гісторыю разам з калегамі яшчэ з 40 выданняў па ўсім свеце.

Фота: АР

Матэрыялы, што трапілі ў рукі журналістаў, ахопліваюць перыяд з 2013 па 2017 год, калі кампаніяй кіраваў яе сузаснавальнік Трэвіс Каланік. Згодна з файламі, калі гаворка ішла пра прасоўванне Uber у новых гарадах свету, Каланік быў гатовы ісці на парушэнне законаў і правіл працы таксі, а таксама і на ціск на палітыкаў і багатых людзей, і найвышэйшы менеджмент кампаніі ведаў пра гэта.

Дасье Uber уключае ў сябе больш за 83 тысячы электронных лістоў і паведамленняў у месенджарах, у тым ліку і даволі шчырую камунікацыю паміж Каланікам і топ-менеджментам кампаніі. Таксама ў файлах ёсць перапіска паміж кіраўніком Uber і цяперашнім французскім лідарам Макронам, які тайна дапамагаў кампаніі, калі быў міністрам эканомікі. Ён падтрымліваў цесны кантакт з супрацоўнікамі гіганта і нават паведамляў, што заключыў тайнае пагадненне з апанентамі кампаніі ва ўладзе.

І гэта не адзіны вядомы палітык, чыё імя з’явілася ў дасье. Напрыклад, цяперашні амерыканскі лідар Джо Байдэн сустракаўся з Каланікам на форуме ў Давосе, калі быў віцэ-прэзідэнтам краіны. Пасля той сустрэчы ён змяніў свой выступ на форуме і, спасылаючыся на Каланіка, выдзеліў перспектывы развіцця сэрвісу з пункту гледжання стварэння перспектыўных працоўных месцаў.

Акрамя гэтых выпадкаў, топ-менеджары Uber сустракаліся з ірландскім прэм’ерам Эндай Кені, ізраільскім прэм’ерам Біньямінам Нетаньяху і брытанскім канцлерам казначэйства (міністрам фінансаў) Джорджам Осбарнам, а таксама спрабавалі знайсці кантакт з іншымі палітыкамі.

Увогуле, у гіганта добра атрымоўвалася знаходзіць нефармальныя кантакты з людзьмі ва ўладзе і аказваць уплыў на падзеі праз сяброў ці пасрэднікаў. У дадатак, кампанія траціла сотні тысяч даляраў на ганарары вядомым вучоным, каб тыя пацвердзілі сведчанні Uber пра перавагі яе эканамічнай мадэлі.

Часам Uber нават упрошваў урады перапісваць законы, што мела доўгатэрміновы эфект. Кіроўцы Uber цярпелі праз жорсткія напады (былі і забойствы) з боку іншых таксістаў, што цярпелі страты ад канкурэнцыі з кампаніяй.

Супрацоўнікі гіганта добра разумелі, што адбываецца. Ва ўнутранай перапісцы яны казалі пра «незаконны статус» кампаніі ў шмат якіх краінах: Турцыя, ПАР, Іспанія, Чэхія, Швецыя, Францыя, Германія, Расія, Тайланд і Індыя.

Праваахоўныя органы розных краін шукалі магчымасці змагацца з самаўпраўствам Uber. Кампанія, у сваю чаргу, распрацавала складаныя метады, каб перашкодзіць праваахоўнікам. Адзін з іх насіў назву «выключальнік» і дзейнічаў так: калі ў офісе Uber праходзіў вобшук, кіраўнікі кампаніі тэрмінова дасылалі супрацоўнікам інструкцыі, як адключыць доступ да асноўных інфармацыйных сістэм, каб улады не маглі сабраць доказы.

«Усе нашы кіроўцы — беларусы. Плацім ім не менш за $1000 «чыстымі». Як беларус адкрыў службу таксі ў Познані

Каментары

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта6

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Усе навіны →
Усе навіны

За «абразу прадстаўніка ўлады» мастачцы з Полацка прызначылі прымусовае лячэнне. Яна вярнулася з Польшчы3

«З лёгкім ветрам» і «Нарэшце, бро» — што пішуць Байдэну ў твітары

Стрыжак расказаў, ці ўзяў бы мільён даляраў ад Чыжа6

У Беларусі з'явіцца нацыянальны відэахостынг — видео.бел 10

Джэй Ло перастала насіць заручальны пярсцёнак. Канец гісторыі кахання

Адэсіт за $6 тысяч збег ад мабілізацыі ў Расію, дзе стаў кантрактнікам. А калі трапіў на фронт, то здаўся ўкраінцам9

Чаму Байдэн вырашыў выйсці з гонкі? Вось што пра гэта пішуць сусветныя медыя4

Сотні буслоў сабраліся на адным полі ля Гродна ФОТАФАКТ2

Колькасць легкавікоў на беларуска-польскай мяжы вырасла да гіганцкіх 3501

больш чытаных навін
больш лайканых навін

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта6

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Галоўнае
Усе навіны →