Свет

Еўрапейская арганізацыя па ядзерных даследаваннях не будзе супрацоўнічаць з Расіяй і Беларуссю

Еўрапейская арганізацыя па ядзерных даследаваннях (ЦЕРН) вырашыла цалкам спыніць супрацоўніцтва з Расіяй і Беларуссю пасля заканчэння тэрміну кантракта ў 2024 годзе. Такое рашэнне прынятае ў сувязі з поўнамаштабным уварваннем РФ ва Украіну пры садзейнічанні Беларусі, паведамляецца на сайце арганізацыі.

Вялікі андронны калайдар, запушчаны ЦЕРН

«ЦЕРН была створаная пасля Другой сусветнай вайны, каб аб'яднаць нацыі і людзей для мірных заняткаў навукай. Дзяржавы-члены адзначылі, што асноўныя каштоўнасці арганізацыі заўсёды засноўваліся на трансгранічным навуковым супрацоўніцтве як рухаючай сіле свету і падкрэслілі, што агрэсія адной краіны супраць іншай супярэчыць гэтым каштоўнасцям.

Рада заявіла пра тое, што мае намер спыніць дзеянне пагадненняў ЦЕРН аб міжнародным супрацоўніцтве з Расійскай Федэрацыяй і Рэспублікай Беларусь па заканчэнні тэрміну іх дзеяння ў 2024 годзе», — гаворыцца ў заяве.

У арганізацыі таксама падкрэслілі, што будуць уважліва сачыць за сітуацыяй і распачнуць «любыя далейшыя дзеянні».

Адзначаецца, што пагадненні з ЦЕРН падпісваюцца на пяць гадоў і аўтаматычна працягваюцца на той жа перыяд, калі адзін з бакоў не накіруе пісьмовую заяву аб спыненні супрацоўніцтва не менш чым за шэсць месяцаў да заканчэння тэрміну кантракта.

Тэрмін дзеяння дамовы з РФ заканчваецца ў снежні 2024 года, з Беларуссю — у чэрвені таго ж года.

У сакавіку ЦЕРН прыпыніла супрацоўніцтва з Расіяй. 23 дзяржавы — сябры арганізацыі рашуча асудзілі расійскае ўварванне ва Украіну і вырашылі прыпыніць статус назіральніка РФ, а таксама не пачынаць новага супрацоўніцтва з краінай-агрэсарам.

Каментары

Чаму расійскія дроны сталі часцей залятаць у Беларусь?

Чаму расійскія дроны сталі часцей залятаць у Беларусь?

Усе навіны →
Усе навіны

З беларусам тыдзень няма сувязі пасля таго, як ён перасёк мяжу з Польшчай1

88-гадовы апальны экс-кіраўнік «Пінскдрэва» Арыніч жыве ў Беластоку ў здымнай кватэры за кошт сваякоў2

Памёр Ігар Гіпс

«Калі ўпала першая льдзінка, я зразумела, што ўсё». Град памерам з курынае яйка пашкодзіў машыну беларускі2

У Беларусі затрымалі літоўца, які абвінавачваецца на радзіме ў забойстве2

Ціханоўская: Абмежаванні на мяжы не закрануць аўтобусы і маршруткі22

Літовец расказаў, як трапіў у полк Каліноўскага3

Паліцыя затрымала ў Варшаве беларуса, які прыйшоў у міністэрства з небяспечнымі прадметамі3

«Пакуль узаемнасці не бачым». Лукашэнка наракае, што не можа дамовіцца з Польшчай і Літвою29

больш чытаных навін
больш лайканых навін

Чаму расійскія дроны сталі часцей залятаць у Беларусь?

Чаму расійскія дроны сталі часцей залятаць у Беларусь?

Галоўнае
Усе навіны →