Прэзідэнт Польшчы збірае ў Варшаве саміт «Бухарэсцкай дзявяткі» з-за расійскага крызісу
У Варшаве адбудзецца саміт прэзідэнтаў фармату «Бухарэсцкай дзявяткі», якія сустрэнуцца ў пятніцу, каб абмеркаваць крызіс вакол Украіны і сітуацыю з бяспекай у Цэнтральнай і Усходняй Еўропе.
«Усе прэзідэнты пацвердзілі свой удзел. Прэзідэнт Чэхіі прыме ўдзел у сустрэчы анлайн», — сказаў кіраўнік прэзідэнцкага міжнароднага Палітычнага бюро Якуб Кумах, паведамляе «Украінская праўда».
Кумах паведаміў, што пастанова аб правядзенні саміту была прынятая падчас перамоваў прэзідэнта Анджэя Дуды з яго літоўскім і румынскім калегамі Гітанасам Наўседам і Клаўсам Ёханісам.
Фармат «Бухарэсцкай дзявяткі» быў заснаваны ў 2014 годзе як польска-румынская ініцыятыва, накіраваная на каардынацыю пазіцый і абмен думкамі ў сферы бяспекі паміж дзевяццю краінамі, размешчанымі ў рэгіёнах Балтыйскага і Чорнага мора.
Акрамя Польшчы, у фармат уваходзяць Балгарыя, Чэхія, Эстонія, Венгрыя, Латвія, Літва, Румынія і Славакія.
Прэзідэнты Польшчы і Літвы ў сераду знаходзяцца з візітам у Кіеве.
-
Артыкул пра халаднік у амерыканскім СМІ перасварыў літоўцаў і палякаў. У дыскусію ўключыліся і беларусы
-
«Я казала, што гэта сабака». Памятаеце пра барана, якога абмяркоўвае ўся Польшча? Яго гісторыю расказала гаспадыня
-
У Расіі пажаніліся праваслаўны бізнэсовец і дзіцячая амбудсменка. Ён спонсар «Рускай вясны», на яе выдалі міжнародны ордар
Пасля прыёму ў міністра Кубракова арыштавалі жанчыну, якая шмат гадоў змагаецца з «педафільскім лобі»6
Каментары